اۋا رايىنا بايلانىستى 7 وڭىردە ەسكەرتۋ جاريالاندى

استانا. قازاقپارات - قازگيدرومەت 3- جەلتوقساندا اۋا رايىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى قازاقپارات.

تۇندە جانە تاڭەرتەڭ باتىس قازاقستان وبلىسىنىڭ سولتۇستىگىندە تۇمان تۇسەدى.

اقمولا وبلىسىنىڭ وڭتۇستىگىندە، شىعىسىندا جاياۋ بۇرقاسىن سوعادى. سولتۇستىك-شىعىستان جەل سوعادى، وبلىستىڭ وڭتۇستىك جارتىسىندا ەكپىنى 15-20 م/س كۇتىلەدى.

الماتى وبلىسىنىڭ وڭتۇستىگىندە جانە تاۋلى اۋداندارىندا تۇمان تۇسەدى. الماتى قالاسىندا دا تۇندە جانە تاڭەرتەڭ تۇمان بولادى.

اقتوبە وبلىسىنىڭ ورتالىعىندا، شىعىسىندا سولتۇستىك-شىعىستان جەل سوعادى، ەكپىنى 15 م/س جەتەدى.

تۇركىستان وبلىسىنىڭ وڭتۇستىگىندە، باتىسىندا، تاۋلى جانە تاۋ بوكتەرلى اۋداندارىندا تۇمان بولجانادى. سولتۇستىك-شىعىستان جەل سوعادى، كۇندىز تاۋلى اۋدانداردا 15-20 م/س.

شىمكەنت قالاسىندا تۇندە جانە تاڭەرتەڭ كەي ۋاقىتتا تۇمان كۇتىلەدى.