الداعى 7 جىلدا جەكە سەكتوردى جانە زاڭسىز باسەكەلەستىكپەن كۇرەستى كۇشەيتۋ قاجەت - ەكونوميست

استانا. قازاقپارات - قازاقستاندىق ەكونوميست قۋانىش جايىقوۆ سايلاۋدان كەيىنگى ەل ەكونوميكاسىنىڭ دامۋ باعىتتارىنا قاتىستى پىكىر ءبىلدىردى.

ونىڭ ايتۋىنشا، الداعى 7 جىلدا جەكە سەكتوردى جانە زاڭسىز باسەكەلەستىكپەن كۇرەستى كۇشەيتۋ قاجەت. بۇنداي پىكىردى ول Jibek Joly تەلەارناسىندا وتكەن سايلاۋ تاقىرىبىنا ارنالعان توك-شوۋدا ايتتى، دەپ حابارلايدى قازاقپارات.

«مەنىڭ ويىمشا، ەكونوميكالىق ساياسات پيراميدا سەكىلدى. ونىڭ ىشىندە ماڭىزدى ەمەس سالالار دا بار. مىسالى، سالىق، بيۋجەت ساياساتى دەگەن سياقتى. 2012-جىلى ءبىز الەمدەگى 30 دامىعان ەلدىڭ قاتارىنا قوسىلامىز دەپ جاريالادىق. ول ءۇشىن مەملەكەتتىك كورپوراتسيا قۇرىپ، باسىم سەكتورلاردى بەلگىلەپ، ۇلتتىق ەكونوميكانى ءارتاراپتاندىرۋ مىندەتى قويىلدى. دەگەنمەن ۋاقىت وتە كەلە ول كەزدەگى ايتىلعان دۇنيەلەر قازىر 180 گرادۋسقا وزگەردى. قازىر ەكونوميكا بويىنشا كوشباسشى - جەكە سەكتور. سوندىقتان دا جەكە سەكتورلاردىڭ قۇقىعىن قورعاۋ ماڭىزدى. ەكىنشى ماڭىزدى دۇنيە - باسەكەنى ىلگەرىلەتۋ. پرەزيدەنت ايتقانداي، ەكونوميكا مونوپوليالارعا ءالى دە تولى»، - دەدى قۋانىش جايىقوۆ Jibek Joly تەلەارناسىندا وتكەن سايلاۋ تاقىرىبىنا ارنالعان توك-شوۋدا.

ونىڭ ايتۋىنشا، ادەلەتسىز مونوپوليا باعانىڭ ءوسۋى مەن جۇمىسسىزدىققا الىپ كەلەدى.

«سوندىقتان دا الداعى 7 جىلدا ەكونوميكانىڭ باستى بازالارى جەكە سەكتور مەن زاڭسىز باسەكەلەستىكپەن كۇرەستى كۇشەيتۋ قاجەت. قاڭتار وقيعاسىنان كەيىن ۇكىمەتتىڭ جوسپارى وزگەردى. ۇكىمەت جانىنان ارنايى كوميتەت قۇرىلىپ بۇرىن ۇرلانعان كاپيتالدار ەلگە قايتارىلىپ جاتىر»، - دەيدى ول.