ءتىس اۋرۋىن باساتىن 7 ءتاسىل

استانا. قازاقپارات - ءتىس اۋرۋى - كۇتپەگەن كەزدە كەلەتىن قوناق. بۇل ماسەلە ءسىز ءۇشىن بەيتانىس بولۋى مۇمكىن. الايدا ءتىس - ادامنىڭ ەڭ جاندى جەرى. بۇل جاعدايدى تۇزەتىپ، قورقىنىشتى سەزىمنەن قالاي ارىلۋعا بولادى؟

ءبىز سىزدەرگە اۋرۋدى بىردەن باساتىن 7 ءادىستى ۇسىنعىمىز كەلىپ وتىر.

1. ءتىس اۋرۋىنا قارسى سارىمساق، پياز جانە تۇز كومەكتەسەدى. بۇل تاعامداردى ۋاتىپ، تىسكە باسۋ ارقىلى اۋرۋدان ارىلا الاسىز.

2. ماقتا تىعىنىن سامىرسىن مايىندا ءجىبىتىپ، اۋىرعان تىسىڭىزگە نەمەسە قىزىل يەككە 10-15 مينۋت باسىپ، 1,5-2 ساعاتتان سوڭ تاعى ءبىر رەت قايتالاساڭىز، ناتيجەسىن كورەسىز.

3. ءتىس اۋرۋىنان قۇتىلۋعا باس بارماق پەن سۇق ساۋساقتىڭ سۇيەكتەرى كەزدەسەتىن جەرگە ماسساج جاساۋ كومەكتەسەدى. ماسساجدى ءتىس اۋرۋ ايماعىنا قاراما- قارسى ساۋساقپەن جاسايمىز. ارەكەتتى 5-10 مينۋت سايىن جاساپ تۇرۋ كەرەك.

4. اۋرۋدى جەڭىلدەتۋگە بەلگىلى ءبىر نۇكتەگە ماسساج جاساۋ كومەكتەسەدى. جوعارعى ەرىننىڭ ۇستىندەگى نۇكتەنى تاۋىپ، ءبىرقالىپتى ماسساج جاساۋ ارقىلى اۋرۋدى باسۋعا بولادى بولادى.

5. اۋرۋدى باسەڭدەتۋگە ورامالعا قاپتالعان مۇز كەسەكتەرىن بەتىڭىزگە باسۋ كومەكتەسەدى.

6. 5-6 تامشى يود پەن 1 قاسىق تۇزدى الىپ، ونى 1 ستاقان سۋدا ەرىتىپ، اۋرۋ ءتىسىڭىزدى شايىڭىز.

7. اۋرۋعا قارسى كومەكشىلەردىڭ ءبىرى - شۇيگىنشوپ تۇنباسى مەن كامفور سپيرتى. وسى تۇنبالاردىڭ بىرىنە شايىلعان ماقتانى تىسىڭىزگە باسساڭىز اۋرۋدى تەجەيدى.

ارينە، ءتىسىمىزدىڭ ساۋلىعىن كۇتىپ، ءتىس دارىگەرىنىڭ قابىلداۋىندا ءجيى بولۋىمىز كەرەك. الايدا اۋرۋ ايتىپ كەلمەيدى عوي؟ سونداي كەزدە ءسىز نە ىستەۋ كەرەكتىگىن بىلەسىز.

http://zhambylnews.kz