تۇرىك ايەلدەرىنىڭ سۇلۋلىعىنا بۇكىل الەم قىزىعادى. تۇرىكتەر ءوز سۇلۋلىقتارى ءۇشىن تابيعي ونىمدەردى قولدانۋعا تىرىسادى. ولاردىڭ سۇلۋلىقتارى تابيعيلىقتا، ولار ونى قيىن ەمەس بيۋتي- ريتۋالدار كومەگىمەن ساقتايدى.
يوگۋرتتان ماسكا جاساۋ
تۇرىكتەر يوگۋرتتان جاسالاتىن ماسكالاردى جاقسى كورەدى. سەبەبى بۇل سۋسىن پيگمەنتتى داقتار مەن سەكپىلدى باسادى، ۇساق اجىمدەردى ازايتادى، كوز استىنىڭ قارايۋىن كەتىرەدى. يوگۋرت ماسكاسىن جاققان سوڭ ۇنەمى وعان سۋ شاشىپ تۇرۋ كەرەك. ول كەپكەن بويدا بىردەن جۋىپ تاستاڭىز. پروتسەدۋرادان سوڭ تەرى ىعالدانعان، كۇتىمدى بولا تۇسەدى.
نەسليحان اتاگيۋل
ۇيدە پيلينگ جاساۋ
تۇرىكتەر ۇساق اجىمدەردەن ارىلۋ ءۇشىن ۇنتاقتالعان بادامدى سۇتپەن ارالاستىرىپ قولدانادى. بۇل كەرەمەت تابيعي پيلينگ. مۇنداي بادام پيلينگىنىڭ دايىن تۇرلەرى دە ساتىلادى. تۇرىك ايەلدەر ءجيى قولداناتىن تاعى ءبىر سكراب- پيلينگ - كوفە پيلينگى. ەگەر كوفە جاقسى كورەتىن ادامدار قاتارىنا جاتساڭىز، كوفەماشيناداعى ۇنتاقتالعان داندەردى پايدالانىڭىز. ال ەگەر كوفەماشينا بولماسا، دۇكەننەن دايىن كوفە پيلينگىن ساتىپ الۋعا بولادى.
ۇيقىنى قاندىرۋ
ۇيقى ءبىزدىڭ سۇلۋلىعىمىز بەن ساۋلىعىمىزعا اسا قاجەت. تۇرىك ايەلدەرى ۇيقىدان ەرتە تۇرعاندى جاقسى كورمەيدى.
ايچا ايشين تۋران
ۇيىقتار الدىندا كۇتىم پروتسەدۋرالارىن جاساۋ
تۇرىك ايەلدەرىنىڭ ويىنشا، كۇتىم قۇرالدارى تۇندە جاقسىراق جۇمىس ىستەيدى. ولار كرەم، ماسكا نەمەسە سارىسۋلاردى بەتكە قالىڭ ەتىپ جاعىپ، تۇنگە قالدىرادى.
ال قىزىل سۋ قولدانۋ
ال قىزىل سۋ - قازىرگى كەزدەگى تانىمال بيۋتي- قۇرالداردىڭ ءبىرى. ول تەرىنى ىلعالداندىرادى، تىنىشتاندىرادى جانە قالپىنا كەلتىرەدى. سونداي- اق قابىنۋعا جانە باكتەريالارعا قارسى اسەرلەرگە يە. ال قىزىل سۋدى ۇيدە دايىنداۋعا بولادى: راۋشان گۇلدەرى كۇلتەلەرىنە قايناعان سۋ قۇيىپ، تۇندىرىپ قويىڭىز. كۇنىنە ەكى رەت وسى تۇنبامەن بەت پەن مويىندى ءسۇرتىڭىز. سونداي- اق بۇل تۇنبانى مۇز قاتىراتىن ىدىسقا قۇيىپ، مۇزداتقىشقا سالىپ قويۋ ارقىلى كوسمەتيكالىق مۇز دايىنداۋعا بولادى. سودان سوڭ ونىمەن تاڭەرتەڭ بەتتى سۇرتسەڭىز، تەرىڭىز بالعىن جانە ىلعالدانعان بولا تۇسەدى.
دەمەت وزدەمير
تابيعي ءزايتۇن مايىن پايدالانۋ
ءزايتۇن مايى جالپى كوپتەگەن ەلدەر كوسمەتولوگياسىندا وتە تانىمال. ول كوپتەگەن قۇرالداردىڭ قۇرامىندا بار، ءبىراق تۇرىك ايەلدەرى ونىڭ تابيعي ءتۇرىنىڭ پايدالى قاسيەتتەرىنە سەنەدى. ءزايتۇن مايى شاشقا پايدالى: ول ونى جىلتىر، جۇمساق جانە جىبەكتەي ەتەدى.
اقپارات دەرەككوزى: massaget.kz