ورالدا ەسىرتكى تاراتقان وقۋشى 7 جىلعا سوتتالدى
وسى جىلدىڭ 2 - ناۋرىزىندا ورال ستانتسياسىنىڭ ماڭىن تەكسەرۋ كەزىندە 15 جاستاعى جاس ءوسپىرىم مەن ونىڭ 19 جاستاعى تانىسى ۇستالدى.
ولاردىڭ ورالعان ۇنتاقتى اعاش بۇتاقتارىنا جاسىرعاندىعى انىقتالدى. ساراپتاما قورىتىندىسىنا سايكەس، ۇستالعانداردان الىنعان زات پسيحوتروپتىق زات بولىپ شىقتى جانە ونىڭ جالپى سالماعى 11 گرامدى قۇرادى.
ۇستالعاندار «ءوز قىزمەتىن» Telegram ارنالاردىڭ ءبىرى ارقىلى جۇرگىزگەن.
اتالعان فاكتى بويىنشا ورال ستانتسياسىنداعى جەلىلىك پوليتسيا ءبولىمى ق ر قىلمىستىق كودەكسىنىڭ 297-بابى (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ) بويىنشا تەرگەۋ جۇرگىزدى.
باتىس قازاقستان وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى 19 جاستاعى سوتتالۋشىعا 10 جىل مەرزىمگە باس بوستاندىعىنان ايىرۋ جازاسى تاعايىندالدى، ال ونىڭ 15 جاستاعى سىبايلاسى 7 جىل 6 ايعا باس بوستاندىعىنان ايىرىلدى.