الماتى قالاسى №2 مەدەۋ اۋداندىق سوتى ەليتالىق Esentai City تۇرعىن ءۇي كەشەنىندە جىلجىمايتىن مۇلىكتى ساتىپ الۋشىعا تيەسىلى 418640000 تەڭگەنى مەنشىكتەپ الۋ ءىسى بويىنشا ۇكىم شىعاردى.
«الماس ءابدىعاپپاروۆ وزگەنىڭ اسا ءىرى كولەمدەگى مۇلكىن مەنشىكتەپ العانى ءۇشىن ايىپتى دەپ تانىلدى. ول جازاسىن جالپى رەجيمدەگى كولونيادا 7 جىل وتەيدى. سونداي- اق وعان قارجىلىق ۇيىمداردا 5 جىل بويى باسشىلىق قىزمەتتەر اتقارۋعا تىيىم سالىنادى»، - دەپ حابارلادى سوتتان.
ۇكىم زاڭدى كۇشىنە ەنگەن جوق.
ايتا كەتەيىك، Parmigiano Group كومپانياسىنىڭ ديرەكتورى الماس ءابدىعاپپاروۆ بىلتىر شىلدە ايىندا قاماۋعا الىنعان بولاتىن.
اۆتور: الما مۇقانوۆا