ۇيىقتار الدىندا جەۋگە بولمايتىن 7 ءونىم

نۇر-سۇلتان. قازاقپارات - ادەتتە قاربالاس كۇننەن كەيىن ءبىزدىڭ دەمالعىمىز كەلەدى جانە ءوزىمىزدى سۇيىكتى تاعامىمىزدىڭ ءدامىن تاتا وتىرىپ، كورىپ جۇرگەن سەريالىمىزدىڭ جاڭا ەپيزودىن قوسامىز.

ارينە، ادامنىڭ ءوز-وزىنە وسىنداي دەمالىس ۇيىمداستىرۋىندا ەشقانداي قاتەلىك جوق، ءبىراق كەيبىر تاعامدار كەيىنىرەك سالماق قوسىپ، دەنساۋلىقتىڭ ناشارلاۋىنا سەبەپ بولۋى مۇمكىن.

سونىمەن قاتار، كەشكى استى دۇرىس تاڭداۋ دۇرىس ۇيقىعا جانە تىنىعۋ كەزىندە اس قورىتۋ جۇيەسىنىڭ دۇرىس جۇمىس ىستەۋىنە كەدەرگى كەلتىرەدى. بۇل ماقالادا تۇنگى مازىردە نەدەن اۋلاق بولۋ كەرەگىن ايتامىز.

ماكارون ونىمدەرى

ءبيدايدان جاسالاتىن ماكاروندار - جاتتىعۋدان كەيىن نەمەسە كۇن ىشىندە ەنەرگياڭىزدى تەڭەستىرۋگە كومەكتەسەتىن كومىرسۋلار كوزى. ءبىراق ۇيىقتار الدىندا جەگەن ماكارون تۇندە دەنەنىڭ قالپىنا كەلۋىنە كەدەرگى كەلتىرەدى، سوندىقتان تۇندە يتاليالىق ستيلدە تاماقتانعان ادامنىڭ تاڭەرتەڭ كوزدەرىنىڭ استى قارايىپ، شارشاڭقى كورىنەدى.

ىرىمشىك

ىرىمشىكتەردى قورىتۋ وتە قيىن جانە ولاردىڭ قۇرامىندا اسقازاندا قابىنۋ رەاكسياسىن تۋدىرۋعا قاۋقارلى مايلار بار. سونىمەن قاتار، ىرىمشىكتەردە ۇيقىنى رەتتەيتىن گورمونداردىڭ ءوندىرىسىن ازايتاتىن تيرامين امين قىشقىلى بار.

ەت

ەتتە قانىققان ماي كوپ، ال شۇجىقتاردىڭ قانشاما حيميالىق قوسپالاردان تۇراتىنىن بىلسەڭىز، ولاردى راتسيونىڭىزعا ەشقاشان قايتا قوسپاس ەدىڭىز. كەشكى اس بارىسىندا جەلىنگەن ەت ۇزاق ۋاقىت بويى قورىتىلادى، سوندىقتان تىنىعاتىن ۋاقىتتاردا دەنە تىنىشتىعىن جوعالتادى.

دامدەۋىشتەر

دامدەۋىشتەر تاعامعا كەرەمەت حوش ءيىس پەن ءدام بەرەدى، ال ءدامدى تۇسكى اس قۋاتتاندىرادى. ءبىراق كەشكى اس كەزىندە دامدەۋىشتەرى بار تاعامدار وڭەشتى كۇيدىرىپ، اسقازاندا اۋىرلىق تۋدىرۋى مۇمكىن.

ءتۇرلى-ءتۇستى ورامجاپىراق

ءتۇستى قىرىققابات جەڭىل كەشكى اس ءۇشىن پايدالى تاڭداۋ سياقتى كورىنەدى، كالورياسى تومەن جانە تالشىق پەن ميكروەلەمەنتتەر كوپ. دەگەنمەن، قىرىققابات تەكتەس كوكونىستەر اس قورىتۋدى قيىنداتادى، سوندىقتان جاتار الدىندا بۇل دۇرىس تاڭداۋ بولماسى انىق.

بالمۇزداق

توسەكتە بالمۇزداق تولى ىدىسپەن سۇيىكتى مەلودراماڭىزدى كورىپ جاتقانعا نە جەتسىن؟! بۇل سىزگە قيىن كۇننەن كەيىن پسيحولوگيالىق تۇرعىدان قالىپقا كەلۋگە كومەكتەسۋى مۇمكىن، ءبىراق ءسىزدىڭ دەنەڭىز ودان ناشارلاي تۇسەدى. بالمۇزداقتىڭ قۇرامىندا قانىققان مايلار، قانتتار جانە قوسپالار كوپ.

وسى كومپونەنتتەر اس قورىتۋ مەن جۇيكە جۇيەسىنە ۇنەمى اسەر ەتەدى. ۇيىقتار الدىندا ءوزىڭىزدى تاتتىمەن ەركەلەتكىڭىز كەلسە، تابيعي شەربەتتەردى تاڭداڭىز.

قارا شوكولاد

قارا شوكولاد ميدىڭ جۇمىسىنا وڭ اسەر ەتەتىن، قۋات پەن كۇش بەرەتىن انتيوكسيدانتتار مەن زاتتارعا باي. ءبىراق كەشكە مۇنداي دەسەرت جۇيكە جۇيەسىن قوزدىرىپ، ۇيقىنى بۇزۋى مۇمكىن، سوندىقتان ودان باس تارتقان دۇرىس.

massaget.kz