قالالىق پوليتسيا باسقارماسى باسپا ءسوز قىزمەتىنىڭ مالىمەتىنە سۇيەنسەك، ەرتىس پوليتسيا بولىمىنە 35 جاستاعى قالا تۇرعىنى جۇگىنگەن. ءوز سوزىندە ول مەكتەپتەن شىققان 7 جاسار قىزىنىڭ ۇيگە كەلمەگەندىگىن جەتكىزىپ، ىزدەۋ جاريالاۋدى سۇرادى.
«جەدەل تەرگەۋ توبى وقيعا ورنىنا شۇعىل جەتىپ، ىزدەستىرۋ جۇمىستارىنا كىرىستى. ءبىر ساعات ىشىندە پوليتسيا قىزمەتكەرلەرى جوعالعان قىزدىڭ ورنالاسقان جەرىن انىقتادى. ول اۋلادا بالالارمەن ويناپ جۇرگەن. قازىرگى ۋاقىتتا وقۋشى امان-ەسەن اتا- اناسىنا تابىستالدى»، - دەدى باسقارما باستىعى اندرەي مۋلا.
ءوز كەزەگىندە قىزدىڭ اناسى جەدەل-ىزدەستىرۋ شارالارىنا قاتىسقان بارلىق ءتارتىپ ساقشىلارىنا العىس ءبىلدىردى.
اۆتور: تالعاتجان مۇحامەتبەك ۇلى