بارىمتاشى قۇنى 7 مىڭ دوللار اسىل تۇقىمدى جىلقىنى اتىپ العان – ش ق و
شىعىس قازاقستان وبلىسىنىڭ پوليتسەيلەرى «مال ۇرلىعى» رەسپۋبليكالىق جەدەل الدىن الۋ ءىس- شاراسىن وتكىزۋ اياسىندا وبلىس ورتالىعىنىڭ ماڭىندا قاراۋسىز جايىلىپ جۇرگەن مالدى ۇرلاۋمەن اينالىسقان 40 جاستاعى وسكەمەن قالاسىنىڭ تۇرعىنىن ۇستادى. ۇرلىققا بارعاندا ول اتىس قارۋىن قولدانعان. اعىمداعى جىلدىڭ 20 - قاراشاعا قاراعان ءتۇنى ءوزىنىڭ Toyota Land Cruiser جول تالعامايتىن كولىگىمەن پوليتسيادان جاسىرىنباق بولعان قاسكوي قولعا ءتۇستى.
ۇستاۋ ورنىنا جاقىن جەردە جەدەل- تەرگەۋ توبى شارۋا قوجالىقتارىنىڭ ءبىرىنىڭ يەسىنە تيەسىلى قۇنى جەتى مىڭ ا ق ش دوللارى بولاتىن اسىل تۇقىمدى جىلقىنىڭ جارتىلاي سويىلعان ەتىن تاپتى. كولىكتىڭ سالونىندا ءتارتىپ ساقشىلارى كوپتەگەن وق- دارىلەرى بار 12 كاليبرلى تەگىس ۇڭعىلى مىلتىقتى جانە ونىڭ زاڭسىز قىزمەتىنىڭ باسقا دا دالەلدەرىن تاركىلەدى.
قازىرگى ۋاقىتتا مال ۇرلىعى فاكتىسى بويىنشا ق ر ق ك- ءنىڭ 188-بابى 1-بولىگى 2-بولىگى بويىنشا سوتقا دەيىنگى تەرگەۋ جۇرگىزىلۋدە. كۇدىكتى سوتتىڭ سانكسياسىمەن قاماۋعا الىندى جانە ول كىنالى دەپ تانىلعان جاعدايدا وعان جەتى جىلعا دەيىن باس بوستاندىعىنان ايىرۋ جازاسى تاعايىندالۋى مۇمكىن، - دەدى ش ق و پ د باستىعىنىڭ ورىنباسارى تالعات شاياحمەتوۆ.