ۇيقىدا جاتقان اعزانى وياتىپ، اسقازان جۇمىسىن تاماق قورىتۋعا دايىنداۋعا جاقسى اسەر ەتەدى دەسەدى. اش قارىنعا سۋ ءىشۋدىڭ بۇدان باسقا قانداي پايدالارى بار، سونى قاراستىرىپ كورەيىك.
اعزانى تازالايدى. ادام اعزاسى تۇندە ءوز- ءوزىن قالپىنا كەلتىرىپ، توكسيندەردى سىرتقا شىعارادى. ال تاڭەرتەڭ اش قارىنعا سۋ ىشكەن كەزدە، اعزانىڭ ءوزىن- ءوزى تازالاۋ پروتسەسىن بەلسەندى جۇرگىزۋگە كومەگى ءتيىپ، زياندى قالدىقتار دارەتپەن، تەرمەن بىرگە سىرتقا شىعادى. ودان بولەك، سۋ بۇلشىقەت پەن قان جاسۋشىلارىنىڭ وندىرىلۋىنە كومەكتەسەدى.
زات الماسىم جاقسارادى. سۋ ادام اعزاسىندا زات الماسىمنىڭ تەز جۇرۋىنە اسەر ەتەدى. نەمىس عالىمدارىنىڭ ايتۋىنشا، اش قارىنعا ىشكەن سۋ زات الماسىمىن 24 پايىزعا دەيىن جىلدامداتادى ەكەن. ال زات الماسىم ءوز كەزەگىندە اس قورىتۋ جۇيەسىن جاقسارتىپ، ارىقتاۋعا كومەكتەسەدى.
ءبىر ايتا كەتەرلىگى، سۋدى جىلىداي ىشكەن ءجون.
اسقازانداعى قىجىلدى باسادى. اسقازاندا قىشقىل كوبەيسە، اس قورىتۋ بۇزىلۋى مۇمكىن. ال اش قارىنا جىلى سۋ ىشە وتىرىپ، اسقازان قىشقىلىن رەتتەپ، قىجىلدى باسۋعا بولادى.
بەتتىڭ تەرىسىن جاقسارتادى. اعزادا سۋ جەتىسپەسە، بەتتە ءاجىم، دەنەدە تىرتىق كوبەيۋى مۇمكىن. تاڭەرتەڭ اش قارىنعا ىشىلگەن ەكى ىستاقان سۋ تەرىنىڭ جۇمسارۋىنا جاقسى اسەر بەرەدى.
شاش وسىرەدى. شاشتىڭ تورتتەن ءبىر بولىگى سۋدان تۇرادى. ەگەر اعزادا سۇيىقتىق جەتپەسە، شاش جۇقارىپ، سوڭى تۇسۋگە اكەلۋى مۇمكىن. نەمىس دارىگەرلەردىنىڭ ايتۋىنشا، اش قارىنعا ىشكەن سۋدىڭ پايداسى - كۇندىزگى ىشكەن سۋدان الدەقايدا پايدالى. اسىرەسە، شاشتىڭ وسۋىنە جاعىمدى اسەر ەتپەك.
بۇيرەكتەگى تاستى شايادى. سۋ اسقازان قىشقىلىن سۇيىلتىپ، اعزادان توكسيندەردى شايىپ شىعادى. سودان بۇيرەكتە تاس پايدا بولۋى مەن قۋىققا ينفەكتسيا جينالۋدىڭ الدىن الادى.
يممۋندى جۇيە كۇشەيەدى. اش قارىنعا ىشىلگەن سۋ اعزانىڭ ليمفاتيكالىق جۇيەسىن قالىپقا كەلتىرىپ، ۆيرۋس پەن باكتەريا سىندى اۋرۋ تۋعىزۋشى پاتوگەندەرگە قارسى يممۋندى جۇيەنىڭ كۇشەيۋىن قامتاماسىز ەتەدى.
اقپارات دەرەككوزى: massaget.kz