«ۆاكسينا الۋدا ونىڭ پاسپورتى شەتەلدە مويىندالعانى ەمەس، ونىڭ قانشالىقتى ءتيىمدى ەكەنى ماڭىزدى. باستى ماقسات - ۆاكسينانىڭ ادام اعزاسىن قورعاۋى، سول ارقىلى دەنساۋلىعىمىزدى ساقتايمىز. ءبىز ءۇشىن ەڭ باستىسى وسى. بۇگىنگى كۇنى قازاقستاندا الىنعان ۆاكسينانىڭ پاسپورتىن تايلاند، موڭعوليا، ۆەنگريا، قىرعىزستان، گرۋزيا، كيپر، تۇركيا ەلدەرى مويىنداپ وتىر. سول سەكىلدى رەسەيدە دە ەاەو اياسىندا ۆاكسينا پاسپورتىن مويىنداۋ كەلىسسوزى جۇرگىزىلۋدە. سونىمەن قاتار، ءبىزدىڭ مينيسترلىك سىرتقى ىستەر مينيسترلىگىمەن بىرلەسىپ ءوزارا ۆاكسينا پاسپورتىن مويىنداۋ تۋرالى كەلىسسوزدەر جۇرگىزىپ جاتىر. ياعني شەتەلدىكتەردىڭ ۆاكسينا پاسپورتىن ءبىز عانا مويىنداپ قويماي، ەكىجاقتى ەتۋ مىندەتى تۇر»، - دەدى ق ر دەنساۋلىق ساقتاۋ مينيسترلىگى سانيتاريالىق-ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا و ك ق- دە وتكەن باسپا ءسوز ءماسليحاتىندا.
بۇعان دەيىن كوميتەت باسشىسى قازاقستاننىڭ ۆاكسينا ءوندىرۋشى بىرنەشە كومپانيامەن كەلىسسوزدەر جۇرگىزىپ جاتقانىن ايتتى.
ودان بولەك، ا. ەسماعامبەتوۆا ۆاكسينا الۋدان باس تارتقان جۇمىسشىلار مەن جۇمىس بەرۋشىلەردىڭ قۇقىعىنا قاتىستى تۇسىنىك بەردى.