دۇنيەجۇزىلىك ازىق- تۇلىك قاۋىپسىزدىگىن قورعاۋ كۇنى
2018 -جىلدىڭ جەلتوقسانىندا ب ۇ ۇ باس اسسامبلەياسىنىڭ قارارىمەن 7 - ماۋسىم دۇنيەجۇزىلىك ازىق- تۇلىك قاۋىپسىزدىگىن قورعاۋ كۇنى دەپ جاريالاندى. ب ۇ ۇ بۇل كۇندى بەكىتۋىنىڭ مىندەتى - مەملەكەتتەردىڭ تۇرعىنداردىڭ دۇرىس تاماقتانۋ پروبلەمالارىنا، سونداي- اق ءوندىرىلىپ وتىرعان ازىق- تۇلىك ساپاسىنا نازارىن اۋدارتۋ.
قازاقستاندا مونوپولياعا قارسى ورگان قىزمەتكەرلەرى كۇنى قازاقستان رەسپۋبليكاسى ۇكىمەتىنىڭ 2021 -جىلعى 30-ناۋرىزداعى قاۋلىسىمەن قازاقستان رەسپۋبليكاسىنداعى مەرەكەلىك داتالار تىزىمىنە تولىقتىرۋ ەنگىزىلىپ، 7 - ماۋسىم - مونوپولياعا قارسى ورگان قىزمەتكەرلەرى كۇنى قوسىلدى.
ەستە قالار وقيعالار
1924 -جىلى اقتوبە وبلىسىندا قازاق ءتىلدى «اقتوبە» گازەتىنىڭ العاشقى سانى شىقتى. باسىلىم بىرنەشە رەت اتاۋىن وزگەرتكەن. باستاپقىدا ول «كەدەي»، كەيىن «العا»، «سوتسيالدىق جول»، «سوتسياليستىك جول»، «كوممۋنيزم جولى»، ال قازاقستان تاۋەلسىزدىگىن الۋىمەن «اقتوبە» دەپ اتالا باستادى.
1994 -جىلى قازاقستان رەسپۋبليكاسى پرەزيدەنتى ن. ءا. نازاربايەۆتىڭ «ەۋرازيا مەملەكەتتەر وداعىن قۇرۋ تۋرالى» جوباسى باسپا سوزدە جاريالاندى.
2005 -جىلى سەمەيدە اباي ۇرپاقتارىنىڭ ءبىرى ءىلياس ىسقاقوۆتىڭ «اقىن جۇرەگى» جيناعى جارىققا شىقتى. كىتاپتى قۇراستىرىپ باسپاعا ازىرلەگەن - سەمەيلىك جۋرناليست بالتابەك ەرسالىموۆ. ءىلياس ىسقاقوۆ - ابايدىڭ نەمەرە تۋىستارىنىڭ ءبىرى. ستاليندىك زۇلمات جىلدارىندا ونىڭ اكەسى ەكى رەت حالىق جاۋى اتانىپ، قۋعىن- سۇرگىنگە ۇشىرادى. ال ءىلياستىڭ ءوزى بۇل كۇندى كورە الماي كوز جۇمدى. ءبىراق تۋىستارىنا كىتابىن شىعارۋدى اماناتتاپ كەتكەن ەكەن. ەندى وسى يگىلىكتى شارانى ۇلى، ابايدىڭ تاعى ءبىر ۇرپاعى جۇزەگە اسىردى.
2010 -جىلى قازاقستان رەسپۋبليكاسىندا ISO 13616: IBAN حالىقارالىق تالاپتارعا نەگىزدەلگەن ISO 13616: IBAN (International Bank Account Number - بانك شوتىنىڭ حالىقارالىق ءنومىرى) جانە ISO 9362: BIC (Bank Identifier Codes - بانكتىك يدەنتيفيكاتسيالىق كودى) كليەنتتەردىڭ جاڭا بانك شوتىنىڭ حالىقارالىق ءنومىرى مەن بانكتىك يدەنتيفيكاتسيالىق كودى قولدانىلا باستادى.
2012 -جىلى رەسەي فەدەراتسياسىنىڭ پرەزيدەنتى ۆلاديمير ءپۋتيننىڭ قازاقستانعا جاساعان رەسمي ساپارى اياسىندا ق ر مەن ر ف اراسىندا قازاقستان مەن رەسەي شەكارالاس اۋداندارى ازاماتتارىنىڭ ءار ەلدە 30 تاۋلىك بويى ۆيزاسىز بولۋى تۋرالى كەلىسىمگە قول قويىلدى.
2013 -جىلى قازاقستاندا «قازاقستاننىڭ قىزىل كىتابى» سەرياسىنان ەكى «ۇزىن ينەلى شىرشا» ەسكەرتكىش مونەتاسى شىعارىلدى. مونەتالاردىڭ ءبىرى «proof» ساپالى كۇمىستەن سوعىلدى، نومينالى 500 تەڭگە. ەكىنشىسى نەيزيلبەر قوسپاسىنان سوعىلدى، نومينالى 50 تەڭگە.
2014 -جىلى قازاقستاندا الەمدە تەڭدەسى جوق «بۇكىلالەمدىك بوكس اكادەمياسى» العاشقى وقۋ- جاتتىعۋ سپورت كەشەنى سالىندى. بۇكىلالەمدىك بوكس اكادەمياسى - حالىقارالىق ستاندارتتار بويىنشا سالىنعان بىرەگەي عيمارات. مۇندا جاتتىعۋلارعا جانە جارىستار وتكىزۋگە ارنالعان زالدار، سپورت باسسەينى، كاسىبي فۋتبول الاڭى، تەننيس كورتى، باسكەتبول جانە ۆولەيبول الاڭدارى، جاتتىعۋ زالى، سونداي- اق 160 ادامعا ارنالعان قوناق ءۇي، كونفەرەنتس- زالدار، ءدامحانا جانە اسحانا بار.
2017 -جىلى بەلگىلى بوكسشى گەننادي گولوۆكين ءوزىنىڭ اتىنداعى سپورت كەشەنىن اشتى. ايتا كەتۋ كەرەك، مۇنداعى بارلىق سەكتسيالار تەگىن. ءۇشقاباتتى جاڭا عيماراتتا 25 مەترلىك باسسەين، اۋىر اتلەتيكا زالى، تريبۋناسى بار ويىن زالى، بوكسقا ارنالعان زال، ەكى فۋتبول الاڭى بار. سپورت كەشەنىنىڭ اۋماعى - 2384,3 شارشى مەتر.
2017 -جىلى تمد ەلدەرىنىڭ تۋريستەرى اراسىندا اسا تانىمال تاريحي قالالاردىڭ توپ-10 تىزىمىندە تۇركىستان قالاسى (قازاقستان) كوش باستادى. بۇدان بولەك تىزىمگە سامارقاند (وزبەكستان) ، بۇحارا (وزبەكستان)، تاراز (قازاقستان)، گياندجا (ازەربايجان)، ۆيتەبسك (بەلارۋس) ، حيۋا (وزبەكستان)، گيۋمري (ارمەنيا) ، حۋدجانت (تاجىكستان) جانە مارى (تۇرىكمەنستان) قالالارى كىردى. رەيتينگ وڭىرلىك تۋريستىك كەڭسەلەردىڭ مالىمەتى جانە تۋرلاردىڭ ۇسىنىستارىنىڭ تالداۋلارىنىڭ ناتيجەسىندە جاسالدى. «تۋرستاتتىڭ» مالىمەتىنشە، تۇركىستان قالاسىنا جىل سايىن 1 ميلليوننان استام ادام قىدىرۋعا جانە قاجىلىققا بارادى.
2018 -جىلى قازاقستان العاش رەت يۋنەسكو- نىڭ ماتەريالدىق ەمەس مادەني مۇرالار كوميتەتىنە سايلاندى. يۋنەسكو- نىڭ بەدەلدى ورگانىنا سايلاۋ 2018 -جىلعى 4-6 - ماۋسىم كۇندەرى پاريجدە باس اسسامبلەيانىڭ ماتەريالدىق ەمەس مادەني مۇرالاردى قورعاۋ تۋرالى كونۆەنتسياسىن قولدايتىن مەملەكەتتەردىڭ 7-سەسسياسى اياسىندا وتكىزىلدى.
سەسسياعا قاتىسقان 156 ەلدىڭ 98 ى قازاقستانعا داۋىس بەردى. ەلىمىزدىڭ كانديداتۋراسىن قولداعان كوپتەگەن دەلەگاتتار قازاقستاننىڭ يۋنەسكو جانە يسەسكو ىستەرى جونىندەگى ۇلتتىق كوميسسياسى ساراپشىلارىنىڭ كاسىبي بىلىگىن جوعارى باعالادى. ماتەريالدىق ەمەس مادەني مۇرالاردى قورعاۋ جونىندەگى كونۆەنتسيا 2003 -جىلى قابىلدانىپ، بۇگىنگە دەيىن ونى 178 مەملەكەت راتيفيكاتسيالاعان. بۇگىنگى تاڭدا قازاقستاننىڭ يۋنەسكو جانە يسەسكو ىستەرى جونىندەگى ۇلتتىق كوميسسياسى جانىنداعى ماتەريالدىق ەمەس مادەني مۇرالار جونىندەگى ۇلتتىق كوميتەت ساراپشىلارىنىڭ كۇش سالۋىمەن قازاقستاننىڭ سەگىز مادەني مۇراسى، اتاپ ايتقاندا: كۇي، قازاق كۇرەسى، اسىق، ايتىس، كيىز ءۇي تىگۋ، قۇس سالۋ، ناۋرىزدى تويلاۋ داستۇرلەرى، جۇقا نان ءپىسىرۋ ونەرى (قاتىرما/لاۆاش/جۇپقا) ەنگىزىلىپ وتىر.
2019 -جىلى 8 جاسار قازاقستاندىق ساۋات نۇرعاليەۆ فرانسياداعى راپيد پەن بليتس اشىق چەمپيوناتىندا تەز شاحماتىندا «التىن» جۇلدە جەڭىپ الدى. ساۋات 539 شاحماتشىنىڭ اراسىندا قازاقستاننىڭ اتىنان جالعىز ءوزى قاتىستى.
2019 -جىلى مۋز- تۆ 2019 پرەمياسىندا ارنايى قوناق بولعان ديماش قۇدايبەرگەن قىزىل كىلەمدى اشتى. سونداي- اق، قىزىل كىلەممەن جاس قازاقستاندىق ءانشى ەرجان ماكسيم ءجۇرىپ ءوتتى.