اتىراۋ وبلىسىنىڭ باس مەملەكەتتىك سانيتار دارىگەرى امانتاي جۇماعالييەۆتىڭ ايتۋىنشا، قازاقستان اۋماعىنا رەسەي فەدەراتسياسىنىڭ استراحان وبلىسىنان 6-قازاننان بەرى شەكاراداعى وتكىزۋ پۋنكتى ارقىلى 13 مىڭنان استام ادام كەلگەن.
«ونىڭ ىشىندە 1656 ادامدا - 210 جولاۋشى مەن 1446 جۇرگىزۋشىدە پ ت ر- تەستتەن وتكەنى تۋرالى انىقتاما بولعان جوق. ولاردىڭ ءبارى كارانتيندىك ستاتسيونارعا جاتقىزىلدى. ال، 6 جۇرگىزۋشى مەن ءبىر جولاۋشىنىڭ پ ت ر- تەست قورىتىندىسى كوروناۆيرۋسقا وڭ ناتيجە كورسەتتى. ناۋقاستىڭ ءبارى ەمدەلۋگە جىبەرىلدى»، - دەيدى امانتاي جۇماعاليەۆ.
اتىراۋداعى ح. دوسپانوۆا حالىقارالىق اۋەجايىنا كەلگەن جولاۋشىلاردان كوروناۆيرۋس ينفەكتسياسى تىركەلمەگەن. ەسكە سالا كەتەلىك، بۇعان دەيىن قىركۇيەك ايىنان بەرى 33 اتىراۋلىق وقۋشى، سونداي- اق، 28-ناۋرىزدان بەرى 12 مىڭ ادام كوروناۆيرۋسقا شالدىققانىن حابارلاعان بولاتىنبىز.