اتاۋلى كۇندەر
حالىقارالىق ازاماتتىق اۆياتسيا كۇنى
ب ۇ ۇ باس اسسامبلەياسى بەكىتكەن. چيكاگو قالاسىندا وتكەن (ا ق ش) كونفەرەنتسياعا مۇشە - 52 مەملەكەت وكىلدەرىنىڭ حالىقارالىق ازاماتتىق اۆياتسيا تۋرالى كونۆەنتسياعا قول قويعان كۇنىنەن باستاپ اتاپ وتىلەدى.
ەستە قالار وقيعالار
1920-جىلى تاشكەنتتە قازاق تىلىندە «اق جول» گازەتى شىعا باستادى. باسىلىم 1920-25 -جىلدارى تاشكەنتتە تۇركىستان كومپارتياسى ورتالىق كوميتەتى مەن تۇرك ا ك س ر- ى و ا ك- ءنىڭ ورگانى، 1925- 26-جىلدارى شىمكەنتتە ب ك پ سىرداريا گۋبكومىنىڭ ورگانى رەتىندە شىعارىلدى.
العاشقى رەداكتورى — سۇلتانبەك قوجانوۆ. كەيىن گازەتتى شىعارۋشى، رەداكتورلاردىڭ ىشىندە ن. تورەقۇلوۆ، س. وسپانوۆ، ي. توقتىبايەۆ ت. ب. بولدى. ونىڭ جۇمىسىنا قازاق زيالىلارىنىڭ ۇلكەن شوعىرى ارالاسقان.
1963 -جىلى جامبىل قالاسىندا حالىق اقىنى جامبىل جابايەۆقا قولا ەسكەرتكىش ورناتىلدى.
ەسكەرتكىشتىڭ اۆتورى - قازاقستاننىڭ حالىق سۋرەتشىسى، ءمۇسىنشى ح. ناۋرىزبايەۆ.
1990 -جىلى ج. ايماۋىتوۆ اتىنداعى پاۆلودار وبلىستىق قازاق مۋزىكالىق دراما تەاترى ق ر ەڭبەك سىڭىرگەن قايراتكەرى، مەملەكەتتىك سىيلىقتىڭ لاۋرەاترى ە. تاپەنوۆتىڭ «ايمان-شولپان» مۋزىكالىق كومەدياسى قويىلىمىمەن اشىلدى.
2011 -جىلى ءابىلقايىر حاننىڭ جەرلەنگەن ورنى تابىلدى. «حان مولاسى» قورىمى كوپتەگەن جىلدان بەرى زەرتتەلىپ كەلەدى. كوپتەگەن قورىمداردىڭ ىشىندە 178№ جانە 92№ نىساندارى تاڭداپ الىندى. ق ر ب ع م جالپى گەنەتيكا جانە تسيتولوگيا ينستيتۋتى جۇرگىزگەن زەرتتەۋدىڭ ناتيجەسى بويىنشا، دنك ساراپتاماسى ,355 كورسەتكەن.
2011 -جىلى رەسەي فەدەراتسياسىنىڭ قورعانىس ۆەدومستۆوسى قازاقستان رەسپۋبليكاسىنىڭ قورعانىس مينيسترلىگىنە ەكىنشى دۇنيەجۇزىلىك سوعىستا قازا تاپقاندار مەن ءىز-ءتۇزسىز جوعالعان اسكەري قىزمەتشىلەر تۋرالى ەلەكتروندىق دەرەكتەر بانكىن بەردى.
2012-جىلى الماتى قالاسىندا باتىر، قازاق جەرىن جوڭعار باسقىنشىلارىنان ازات ەتكەن رايىمبەك باتىرعا ارنالعان ەسكەرتكىشتىڭ اشىلۋ سالتاناتى بولدى. ەسكەرتكىش ا. س. پۋشكين كوشەسىمەن قيىلىساتىن رايىمبەك داڭعىلىنىڭ بويىنا ورناتىلعان.
ەسكەرتكىش اۆتورى - ەدىگە راحماديەۆ، ديزاينىن جاساعان - يگور پولياكوۆ، ارحيتەكتورى - ۆلاديمير نەمچيكوۆ.
2015 -جىلى مەملەكەت باسشىسى نۇرسۇلتان نازاربايەۆ «استانا» حالىقارالىق قارجى ورتالىعىنىڭ مارتەبەسى مەن جۇمىس ىستەۋ پارامەترىن انىقتايتىن «استانا» حالىقارالىق قارجى ورتالىعى تۋرالى» كونستيتۋتسيالىق زاڭىنا قول قويدى.
2016 -جىلى اتىراۋ قالاسىندا قاشاعان جوباسىنىڭ رەسمي اشىلۋى بولدى. قاشاعان - كاسپي تەڭىزىنىڭ قازاقستاندىق بولىگىندەگى ءبىرىنشى تەڭىز مۇناي-گاز كەن ورنى، سونداي-اق ەلىمىزدەگى ەڭ ءىرى حالىقارالىق ينۆەستيتسيالىق جوبا.
2017 -جىلى وڭتۇستىك كورەيانىڭ چەدجۋ قالاسىندا يۋنەسكونىڭ ماتەريالدىق ەمەس مۇرانى قورعاۋ ۇكىمەتارالىق كوميتەتىنىڭ 12-سەسسياسىندا قازاقستاننىڭ «قازاق ءداستۇرلى اسىق ويىنى» ءوتىنىمى ادامزاتتىڭ ماتەريالدىق ەمەس مادەني مۇراسىنىڭ تىزىمىنە ەنگىزىلدى.
اسىق ويىنى ادامنىڭ وي ءورىسىنىڭ جانە دەنە ءبىتىمىنىڭ دامۋىنا ىقپال ەتەدى، ءارى ۇلتىنا قاراماستان وسكەلەڭ ۇرپاق ءوزارا اراسىندا جاقىنداسۋعا جول اشادى. بالالىق شاق سيمۆولى رەتىندە اسىق ويىنى قازاقستان حالقىنىڭ بىرلىگىن نىعايتۋدا، سونداي-اق بىرلىك پەن ۇلتتىق سانا سەزىمىن دامىتۋدا ماڭىزدى ءرول اتقارادى.
2017-جىلى تۇركى حالىقتارىنىڭ رۋحاني استاناسى تۇركىستان قالاسىندا «تۇركىستان - تۇركى الەمىنىڭ مادەني استاناسى» جىلىنىڭ سالتاناتتى جابىلۋى ءوتتى. جابىلۋ سالتاناتى بارىسىندا تۇراقتى كەڭەستىڭ 35-وتىرىسىنىڭ شەشىمىنە سايكەس 2018-جىلعى تۇركى الەمىنىڭ مادەني استاناسىنىڭ تۋى مەن ءرامىزى تۇركيانىڭ كاستامون قالاسىنا بەرىلدى.
2018 -جىلى ق ر ب ع م عىلىم كوميتەتىنىڭ مەملەكەتتىك تاريح ينستيتۋتى قازاقستان تاريحىمەن بايلانىستى ارحيۆ قۇجاتتارىنا قول جەتكىزۋ ءۇشىن تۇركيا جانە تاجىكستانمەن مەموراندۋمعا قول قويدى. قازاقستان تاريحىنا قاتىستى كوپتەگەن مۇراعات قۇجاتتارى رەسەيدە، يراندا، وزبەكستاندا، قىتايدا جانە باسقا ەلدەردە بار.
2019 -جىلى الماتىدا قازاقستان قارۋلى كۇشتەرىنە قاراستى اسكەري بولىمدە اتى اڭىزعا اينالعان «قارا مايور»، پولكوۆنيك بوريس كەرىمبايەۆقا ارنالعان ەسكەرتكىش تاقتاسىنىڭ سالتاناتتى اشىلۋى ءوتتى. سالتاناتتى شارادا اسكەري بولىمگە بوريس كەرىمبايەۆتىڭ ەسىمىنىڭ بەرىلۋى اسكەري قىزمەتشىلەرگە جۇكتەلگەن جاۋاپكەرشىلىكتى سەزىنۋگە ىنتالاندىرادى جانە ول حالىققا قىزمەت ەتۋدىڭ ۇلگىسى بولماق.