اۋەجايدا تەكسەرۋ كەزىندە ولاردىڭ دەنە قىزۋى كوتەرىلگەنى بەلگىلى بولدى. كەيىن جەدەل مەديتسينالىق كومەكتىڭ ارنايى توبى ولاردى ەمحاناعا اپارعان.
دارىگەرلەردىڭ ايتۋىنشا، پاتسيەنتتەردىڭ دەنساۋلىق جاعدايى قاناعاتتانارلىق. زەرتتەۋلەردى ناتيجەسى بويىنشا ەرەكشە وزگەرىستەر بايقالماعان.
«پاتسيەنتتەردىڭ جاعدايى قاناعاتتانارلىق. بىرنەشە ادامنىڭ دەنە قىزۋى 37 گرادۋسقا جەتكەن. تاماق اۋرۋى جانە قۇرعاق جوتەل بولماسا دەنساۋلىق جاعدايىنىڭ قيىن ەكەنىن ايتىپ شاعىمدانعاندار جوق. ولاردىڭ تەست ناتيجەلەرى كۇننىڭ ەكىنشى جارتىسىندا بەلگىلى بولادى» ، — دەپ مالىمدەدى ەمحانانىڭ دارىگەرى الەكساندر گوگيناۆا جۋرناليستەرگە.
گرۋزيالىق باسىلىمنىڭ مالىمەتىنشە، ءتبيليسيدىڭ جۇقپالى اۋرۋلار اۋرۋحاناسىنىڭ بوكستالعان پالاتالارىندا 25 پاتسيەنت جاتىر.
دارىگەرلەردىڭ ايتۋىنشا، ولاردىڭ بارلىعىنىڭ دەنساۋلىق جاعدايى جاقسى. كوروناۆيرۋسقا ءالى 11 ادام تەكسەرىلمەگەن. ولاردىڭ تەست ناتيجەلەرى كۇننىڭ سوڭىنا دەيىن بەلگىلى بولۋى كەرەك.
كوروناۆيرۋس جۇقتىرعانى راستالعان ءۇش پاتسيەنتتىڭ جاعدايىنا كەلەتىن بولساق، دارىگەرلەردىڭ ايتۋىنشا، ولاردىڭ اۋرۋى اۋىرتپاشىلىقتار تۋدىرىپ وتىرعان جوق.
«وسى كەزەڭدە ولاردا اسقىنعان ەشتەڭە جوق، باقىلاۋ جانە زەرتتەۋ كەزەڭىندە. پاتسيەنتتەردىڭ دەنە قىزۋى - 37.3 گرادۋس، ياعني تومەن دەڭگەيدە. ازىرگە ولار اۋرۋحانادان شىعارىلمايدى، ءبىراق ناۋقاستاردىڭ جاعدايى قاناعاتتانارلىق، اسقىنادى دەپ ويلامايمىز» ، - دەپ مالىمدەدى گوگيناۆا.
3 - ناۋرىزدا كوروناۆيرۋس جاعدايى گرۋزيادا ءۇش ادامنان، ونىڭ ىشىندە يراندا بولعان ەكى ەر ادامنان، سونداي- اق يتاليادان كەلگەن ءبىر ايەلدەن انىقتالعان.
ەل ۇكىمەتى 2 - ناۋرىزدان باستاپ بالاباقشالار مەن مەكتەپتەردە ەكى اپتالىق دەمالىس جاريالادى. گرۋزيانىڭ دەنساۋلىق ساقتاۋ مينيسترلىگى ەلدە كوروناۆيرۋستىڭ ءۇشىنشى جاعدايى تىركەلۋىنە بايلانىستى وقۋ ورىندارىندا دەزينفەكتسيا جۇرگىزۋدى ۇسىندى.
كوروناۆيرۋسپەن كۇرەس جونىندەگى ۆەدومستۆوارالىق ۇيلەستىرۋ كەڭەسى حالىق كوپ جينالاتىن ورىنداردا ۆيرۋستىڭ تارالۋىن الدىن الۋ ماقساتىندا شارالاردى وتكىزبەۋگە ۇسىنىس جاسادى. كەيبىر ۆەدومستۆولار، كومپانيالار مەن ۇيىمدار قاشىقتىقتان جۇمىس ىستەۋگە كوشكەن.
اۆتور: انتون گاگارين