ەندى «جانجالدار» ءۇشىن ءۇش تاۋلىككە ەمەس، بەس تاۋلىككە قاماۋعا الىنادى (اكىمشىلىك قۇقىق بۇزۋشىلىق تۋرالى كودەكستىڭ 73-بابى). ياعني، جاۋاپكەرشىلىك كۇشەيتىلدى. بۇل قۇقىق بۇزۋشىلىقتىڭ الدىن الۋ جانە زارداپ شەككەندەردى قورعاۋ ءۇشىن جاسالعان. ال قول جۇمساۋ جانە فيزيكالىق زارداپ كەلتىرگەنى ءۇشىن اكىمشىلىك قاماۋعا الۋ بۇرىنعىشا (20 تاۋلىككە دەيىن) قالدى (اكىمشىلىك قۇقىق بۇزۋشىلىق تۋرالى كودەكستىڭ 73-1, 73-2 باپتارى).
«ناقتى ايتقاندا، بۇل باپتارداعى ايىپپۇل تۇرلەرى ەسكەرتۋ بەرۋمەن الماستىرىلدى. مۇنداعى لوگيكا قاراپايىم. بۇرىن «دەبوشير» وتباسىلىق بيۋدجەتتەن ايىپپۇل تولەدى. بۇدان ايەلى مەن بالالارى زارداپ شەكتى. سونىمەن قاتار، ەسكەرتۋ - جازانىڭ بالامالى ءتۇرى عانا ەكەنىن ءبىلۋ ماڭىزدى. ەگەر ەكىنشى رەت بولسا، وندا ەسكەرتۋ بولمايادى. بۇل جاعدايدا سوت 20 تاۋلىككە دەيىن قاماۋعا الادى. بارلىعى ناقتى ءىستىڭ ءمان- جايىنا بايلانىستى»، - دەلىنگەن جاريالانعان اقپاراتتا. وتباسى-تۇرمىستىق قاتىناستار سالاسىندا قۇقىققا قارسى ءىس- ارەكەتتەردى (ا ق ب ت ك 73-بابى) جانە دەنساۋلىققا قاساقانا جەڭىل زيان كەلتىرۋ (ا ق ب ت ك 73-1-بابى) نەمەسە ۇرىپ- سوعۋ (ا ق ب ت ك 73-2-بابى) ارەكەتتەرىن العاش رەت جاساعان ادامداردى، ەگەر ولار جابىرلەنۋشىلەرمەن، ارىز بەرۋشىلەرمەن تاتۋلاسسا جانە كەلتىرىلگەن زياننىڭ ورنىن تولتىرسا، تەك سوت قانا جاۋاپكەرشىلىكتەن بوساتۋى مۇمكىن.
«ەندى وسىنداي فاكتىلەر بويىنشا بارلىق ىستەردى پوليتسيا سوتقا جىبەرەدى. بۇرىن ءوندىرىستىڭ كەز كەلگەن ساتىسىندا ولار تاتۋلاسقان جاعدايدا، سونىڭ ىشىندە ەگەر ءوتىنىش بەرۋشى نارازىلىقتان باس تارتسا، وتباسى ەسەبىنەن ايىپپۇل تولەۋ قاجەتتىلىگى سەبەبى بويىنشا، سونىڭ ىشىندە پوليتسيا ارقىلى توقتاتىلۋى مۇمكىن ەدى. ەگەر جۇيەلى تۇردە ۇرىپ-سوعۋ بولسا، وندا بۇل ق ك-نىڭ 110-بابى «ازاپتاۋ»، وندا ءبىرىنشى بولىگىنىڭ سانكسياسى - 2 جىلعا دەيىن، ال ەكىنشى بولىگى - 4 جىلدان 7 جىلعا دەيىن باس بوستاندىعىنان ايىرۋ قاراستىرىلعان»، - دەلىنگەن ءى ءى م اقپاراتىندا.