ديماشتىڭ ەلورداداعى كونسەرتى: ءبىر كۇندە 7 مىڭعا جۋىق بيلەت ساتىلعان

نۇر-سۇلتان. قازاقپارات - ءانشى ديماش قۇدايبەرگەننىڭ ەلوردادا وتەتىن جەكە كونسەرتىنە بيلەتتەردىڭ 70 پايىزى ساتىلىپ كەتتى.

بۇل تۋرالى و ك ق- دا وتكەن باسپا ءسوز ماسليحاتىندا «قازاقستان» ر ت ر ك» ا ق باسقارما ءتوراعاسى ەرلان قارين ايتتى، دەپ حابارلايدى قازاقپارات ءتىلشىسى.

ديماش قۇدايبەرگەننىڭ كونسەرتى 29-ماۋسىمدا نۇر-سۇلتاندا وتەدى. ناۋرىزدىڭ 18 نەن باستاپ بيلەت ساتىلا باستاعان.

«وتە ۇلكەن قىزىعۋشىلىقتى بايقاپ وتىرمىز. كەلەم دەۋشىلەر وتە كوپ. تالداۋ جۇرگىزىپ كوردىك. كونسەرتكە بيلەت ساتىپ الۋشىلاردىڭ ەڭ كوبى قازاقستاندىقتار. ودان كەيىن رەسەي، ا ق ش، قىتاي،  ۇلى بريتانيا، فرانسيا، گەرمانيا، جاپونيا، تۇركيا، نيدەرلاندى، رۋمىنيا، پولشا جانە ت. ب ەلدەر. ەڭ الىس ەلدەردىڭ اراسىندا: برازيليا، مەكسيكا، افريكا، كانادا، اۆستراليا. بيلەتتەر ساتىلىمعا شىققان العاشقى كۇنى 6926 بيلەت (0) ساتىلعان. ءبىر اپتادان كەيىن بيلەتتەر ساتىلىمى 11099 عا (H,2) جەتكەن. بۇگىندە ساتىلىم 70 پايىزعا جەتكەن. ياعني، 15156 بيلەت ساتىلدى. ديماشتىڭ كونسەرتىنە كەلەم دەۋشىلەردىڭ سانى وتە كوپ، ۇلكەن انشلاگپەن وتەدى»، - دەيدى ەرلان قارين.

ونىڭ ايتۋىنشا، ديماشتىڭ ماسكەۋدەگى كونسەرتىنە 50 ەلدەن جانكۇيەرلەرى كەلگەن. ەلورداداعى كونسەرتتە جانكۇيەرلەردىڭ سانى ودان دا كوپ بولادى دەگەن ءۇمىت بار.

«قوسىمشا جاڭا اندەر ورىندالاتىن بولادى. شوۋ كينەتيكالىق ستيلدە قۇرىلعان، ونىڭ وبرازىنا دەيىن يميدجمەيكەرلەرمەن كەڭىنەن ويلاستىرىلعان. ءار ءنومىر - ورتاق يدەيانى جەتكىزەتىن جەكە وقيعا، شاعىن سپەكتاكل دەسە بولادى. قازىرگى ساتتە بارلىق تەحنيكالىق جاعدايلار، مۋلتيمەديالىق شەشىمدەر، ساحنانىڭ ارلەنۋى، دىبىس پەن جارىق ماسەلەسى شەشىلدى. ەندى دەكوراتسيا مەن رەكۆيزيت قاراستىرىلىپ جاتىر. كونسەرتتىڭ ت ۆ نۇسقاسىن ساپالى ءتۇسىرۋ جۇمىستارى دا ويلاستىرىلۋدا، الداعى 3 ايعا جوسپار قۇرىلعان. شىعارماشىلىق توپ مۋزىكالىق ماتەريالدارمەن، قويىلىم جۇمىستارى مەن گرافيكالىق شەشىمدەر تولىق ىسكە اسىرىلىپ جاتىر. كونسەرتكە قاتىساتىن ءار ءتۇرلى جانرداعى بيشىلەر توبىنا ارنايى كاستينگ جۇرگىزىلدى. كاستينگ قورىتىندىسى بويىنشا حالىقارالىق الاڭداردا ونەر كورسەتكەن ەلىمىزدىڭ ەڭ مىقتى بيشىلەرى قاتىساتىن بولدى»، - دەيدى ول.

تاعى دا ءبىر جاڭالىقتى ايتا كەتەيىن، مامىر ايىنىڭ مەرەكەلىك كۇندەرىندە ۇلتتىق ارنادا ماسكەۋدەگى كرەمل سارايىندا 22- ناۋرىزدا وتكەن ديماشتىڭ كونسەرتى ەفيرگە شىعادى.