الەۋمەتتىك جەلى ارقىلى تانىسقان ارمان شەكىموۆ ونى اۋرۋحاناعا تەگىن اپارىپ وتىرۋعا كەلىسكەن. بۇل تۋرالى « پەندەمىز عوي» باعدارلاماسىندا ايتىلدى.
« ارماندى اللانىڭ ءوزى جىبەرگەن پەندەسى دەپ بىلەمىن. اليگە جاساپ جاتقان جاقسىلىعى وتە كوپ. ارمانعا مىڭ العىس ايتقىم كەلەدى»، - دەيدى ايگۇل ىسقاقوۆا.
ارمان شەكىموۆ كومەك كورسەتەتىن وتباسى بۇل عانا ەمەس، تاعى ون ادامدى تاسىلمايدى. قالاعان جەرلەرىنە اپارىپ قانا قويماي، قۇجاتتارىن رەتتەۋگە كومەكتەسىپ وتىرادى ەكەن.
« 2013 - جىلى اۋىر جول اپاتىنا ءتۇسىپ، كومادا 9 كۇن جاتتىم. ويانعان سوڭ دارىگەرلەر سال بولىپ قالعانىمدى ايتتى. ءبىراق، مەن بۇل دياگنوزعا ەمەس، جاراتۋشى اللاعا سەندىم. اياعىمنان نىق تۇرىپ، ءومىرىمدى يگى جاقسىلىقتار جاساۋعا ارنايمىن دەپ شەشىم قابىلدادىم. كوكشەتاۋ، قاراعاندى، پەتروپاۆل قالالارىندا ناۋقاستانىپ جاتقان ادامدار وتە كوپ. وسى قالالاردان بالالار ماعان باسىنداعى جاعدايلارى تۋرالى جازىپ جىبەرەدى. مەن بارىپ كومەكتەسەمىن.
جۋىردا كوكشەتاۋ قالاسىنا بارىپ قايتتىم. كۇندەلىكتى ءبىر نەمەسە كەيدە ون ادامعا دەيىن كومەكتەسەمىن. استانا قالاسىندا 10 جاس جىگىت ماعان قوسىلعىسى كەلەتىندەرىن ايتتى. مەن شەتەلگە ءجيى شىعامىن. ءبىراق، باسقالارعا قاراعاندا ءبىزدىڭ مەملەكەتىمىزدىڭ ادامدارى وتە اقكوڭىل بولىپ كەلەدى. ءبىر جاقسىلىق جاساساڭ، ول ساعان اللادان ون ەسە بولىپ قايتادى. سول سەبەپتى، قانداي جاعداي بولماسىن وزگەلەرگە قول ۇشىن سوزۋعا ۋاقىت تابىلادى دەپ ويلايمىن. اپتاسىنا جەتى كۇننىڭ بارلىعىندا قايىرىمدىلىق جاسايمىن. ال جالپى ءوزىم بيزنەس سالاسىندا وقىتۋشىمىن»، - دەيدى ارمان شەكىموۆ.