قازاقستانداعى تابىستى 7 بيزنەس

استانا. قازاقپارات - بيزنەستىڭ تابىس قۇپياسى وتە قاراپايىم ول - دۇرىس تاڭدالعان باعىت. ادامدار ءوز جەكە كاسىبىن اشۋ تۋرالى نەمەسە شاعىن بيزنەسىن كەڭەيتۋ تۋرالى كوپ ويلانادى. ءبىراق باستاما قانشالىقتى تابىستى بولادى؟ قانداي سالا تانىمال؟ نازارلارىڭىزعا قازىرگى ۋاقىتتا ەڭ تابىستى ءارى تانىمال بيزنەس ءتۇرىن ۇسىنامىز.

فوتو-بيزنەس

كەز- كەلگەن داعدارىستا تابىسىنان ايىرىلمايتىن ەكى ماماندىق بار دەيدى: ءتىس دارىگەرى جانە شاشتاراز. قازىرگى ۋاقىتقا بايلانىستى بۇل تىزىمگە فوتوگرافتى دا ەنگىزۋگە بولادى. قازاقتىڭ قانداي تويىنا بولماسىن فوتوگراف قاجەت.

تابىس: ارنايى فوتوسەسسيا قۇنى ساعاتىنا 10000 تەڭگەدەن 100 دوللارعا دەيىن تۇرادى. ول فوتوگرافتىڭ كاسىبيلىگى مەن كورسەتىلەتىن ارنايى قىزمەتتەرگە بايلانىستى. ساياباقتار مەن دەمالىس ورىندارىنداعى فوتوگرافتاردىڭ تابىسى ايىنا 200-500 مىڭ تەڭگەدەن ورنالاسقان جەرىنە جانە اۋديتورياسىنا قاراي 1 ميلليون تەڭگەگە دەيىن بارۋى مۇمكىن. ال تويدا سۋرەتكە تۇسىرۋشىلەر ءار تويدان شامامەن 20-30 مىڭ تەڭگە پايدا كورەدى.

شىعىن: فوتواپپارات قۇنى ورتاشا 180 مىڭ تەڭگە. پرينتەر - 20-30 مىڭ تەڭگە. جانە سۋرەتتى شىعارىپ نەمەسە كوشىرىپ بەرۋگە پاراق پەن ديسكىلەر قاجەت. وعان ايىنا 20-50 مىڭ تەڭگە كەتەدى.

ءبىلىم سالاسى

 قازىر 3 جاستان باستاپ بالالاردى مەكتەپكە دەيىنگى دايىندىقتارعا جىبەرەدى. ج و و مەن مەكتەپ ۇستازدارىنا سۇرانىس تەك ارتا تۇسەدى. كەيبىر پاندەر اعىلشىن تىلىندە وتەتىن بولادى. قازاقستان ءبىلىم بەرۋدىڭ ءۇش ءتۇرلى مودەلىنە كوشەدى. سوندىقتان ءتىل ۇيرەنۋ، اسىرەسە، اعىلشىن ءتىلى كۋرستارىنا سۇرانىس كوبەيدى. ايتا كەتسەك، ءبىر الماتى قالاسىندا ءۇش مىڭعا جۋىق ءبىلىم بەرۋ ورتالىقتارى بار. وسى فاكتورلاردى ەسكەرە وتىرىپ، ءبىلىم بەرۋ سالاسىنداعى بيزنەس، اسىرەسە، ءتىل كۋرستارىن اشۋ جاقسى تابىس اكەلەدى دەپ ايتۋعا بولادى.

قانداي دا ءبىر ءتىل كۋرسىن اشۋ ءۇشىن ج ك نەمەسە ج ش س فورماتىندا تىركەلۋ كەرەك. ج ك (جەكە كاسىپكەر) فورماسىندا وقۋ ورنىن اشساڭىز، سالىق كولەمى ءۇش پايىزدى قۇرايدى. قاجەتتى قۇجاتتار مەن تىركەۋ جۇمىستارىنا 2-3-ايداي ۋاقىت كەرەك. شىعىن جالعا الۋ ورنى مەن قىزمەتكەرلەر جالاقىسىنا كەتەدى. تەزىرەك جارنامالانىپ، تەزىرەك كليەنت تابۋ ءۇشىن ۋنيۆەرسيتەتتەر مەن باسقا دا وقۋ ورىندارىنا، بيزنەس ورتالىقتارعا جاقىن ورنالاستىرعان ءتيىمدى.

تابىس: وقىتۋ توپتىق، جەكە جانە كورپوراتيۆتىك فورمادا جۇزەگە اسادى. اپتاسىنا 3 ساعاتتان، 12 ساعات ساباق وتەدى. 10 ادامنان 5 توپ وقىتىلادى دەپ الساق، ءبىر ايدا 50 وقۋشى ءبىلىم الادى. ءار ساباق قۇنى ورتاشا ەسەپپەن 1000 تەڭگە بولسا، ءبىر ايدا كەلەتىن تابىس مولشەرى 600 مىڭ تەڭگەنى قۇرايدى.

شىعىن: اكىمشىلىك شىعىندار مەن كەڭسەگە قاجەتتى شىعىنداردىڭ ورتاشا نورماسى جىلىنا 270-300 مىڭ تەڭگە. عيماراتتى جالعا الۋ قۇنى شامامەن 150 مىڭ تەڭگە. بۇل ەڭ تومەنگى باعا. قاجەتتى قۇرال- جابدىقتار مەن تەحنيكاعا 350 مىڭعا جۋىق قاراجات كەتەدى. ونىڭ ىشىنە: پروەكتور، 1 نوۋتبۋك، 1 ۇستەل مەن ورىندىق جانە ت. ب. كىرەدى. ەسكەرۋ كەرەك، بۇلاردىڭ بارلىعى - ءبىر رەتتىك شىعىندار. اي سايىنعى شىعىن كانتسەليارلىق قۇرالدار مەن كوممۋنالدىق تولەمگە جۇمسالادى.

سۇلۋلىق سالوندارى

قازاقستانداعى ەڭ تابىستى بيزنەس رەتىندە سۇلۋلىق سالونى مەن شاشتاراز قىزمەتتەرىن دە ۇسىنۋعا بولادى. جۇمىستى كاسىبي، تىڭعىلىقتى جۇرگىزۋ مەن جاقسى ماركەتينگ بولسا، ءبىر جىل نەمەسە ودان دا از ۋاقىتتا ينۆەستيتسيا شىعىنىن تولىق وتەۋگە بولادى.

وسىدان ءبىراز ۋاقىت بۇرىن تاجىريبەلى شاشتارازشى ساۋلە ۋتەبايەۆادان سۇحبات العان ەدىك. ونىڭ ايتۋىنشا، قازىر الماتىداعى ءسان سالوندارى اراسىندا باسەكەلەستىك جوعارى. ءبىراق ءوز ءىسىڭدى جاقسى بىلسەڭ باسەكە اسا قورقىنىشتى ەمەس. بۇل سالادا ەڭ باستىسى - كليەنت تاڭداۋ. سالوندى جىنىسى مەن قانداي توپ وكىلدەرىنە جۇمىس ىستەيتىنىڭىزگە قاراي بيزنەس- ورتالىقتارىنىڭ جانىنا نەمەسە كوپقاباتتى تۇرعىن ءۇي كەشەندەرىنىڭ ماڭايىنا ورنالاستىرعان ءجون. تۇرعىندار كوپ ىقشام اۋدانداردا ورنالاسساڭىز، باسەكەلەستىككە اسا باس اۋىرتۋدىڭ قاجەتى جوق. كليەنتتەر بارلىعىنا جەتەدى.

ءسان سالوندارىنا ەكونوميكالىق وزگەرىستەردەن كەلەتىن زيان جوق. سەبەبى كەز- كەلگەن تۇرعىن ءۇشىن شاشتاراز بەن ۆيزاجيستتىڭ قىزمەتى قاي ۋاقىتتا بولماسىن قاجەت.

تابىس: سۇلۋلىق سالونى شاش ۇلگىسىنىڭ قيىندىعى مەن جىلدامدىعىنا بايلانىستى كۇنىنە 10-20 كليەنت قابىلدايدى. ۇسىنعان قىزمەتتىڭ ساپاسىنا بايلانىستى اي سايىن تۇراقتى تۇتىنۋشىلارى بولادى. شاشتارازدىڭ جالاقىسى 2 ءتۇرلى بولادى: تۇراقتى نەمەسە كەلىسىلگەن. ءبىراق كوپشىلىگى ەكىنشى نۇسقا بويىنشا جۇمىس ىستەيدى. ءاربىر كليەنت تابىسىنىڭ بەلگىلى ءبىر پايىزىن الىپ وتىرادى. ياعني قانشالىقتى كوپ جۇمىس ىستەسە، كوپ تابىس تابادى. گرافيگى تۇراقسىز.

كاسىبىن جاڭا باستاعاندار كەم دەگەندە ايىنا، 200-300 دوللار جالاقى الادى. ال ەكى جىلدان ارتىق تاجىريبەسى بار كاسىبي ماماندار ورتاشا ەسەپپەن 1000 دوللاردان ارتىق تابىس تابادى

شىعىن: جالپى شاشتاراز اشۋعا شامامەن 4-5 مىڭ دوللار ارالىعىندا قارجى قاجەت. ونىڭ ىشىندە قاجەتتى قۇرال- جابدىقدى ساتىپ الۋ ءۇشىن 3-4 مىڭ دوللار كەتەدى. ال جالعا العان ورىنعا ايىنا 600-800 دوللار بولىنەدى.

لومبارد

مۇنداي قىزمەتتەر ۇنەمى سۇرانىسقا يە جانە قازىرگى ۋاقىتتا تانىمال. كەز- كەلگەن قۇندى زاتتاردى نەمەسە تەحنيكانى كەپىل رەتىندە قابىلداپ، قارىز بەرۋ ارقىلى، ۇستىنە پايىز قوسۋ ارقىلى پايدا كورۋگە بولادى. سونىمەن قاتار، تابىستى كوبەيتىپ، جالعا الۋ شىعىنىن وتەۋ ءۇشىن سول عيماراتتىڭ ىشىندە، كسەروكس نەمەسە كەڭسە تاۋارلارىن ساتاتىن قىزمەتتەردى دە اشۋعا بولادى. جالپى لومبارد جۇيەسى قانداي جانە وپەراتسيالار قالاي جۇزەگە اسادى؟ بۇل تۋرالى ءبىز بىرنەشە قالا لومباردتارىنا بارىپ زەرتتەپ كورگەن ەدىك.

تابىس: ءبىز سۇراستىرعان لومبارد يەلەرىنىڭ سوزىنشە، كۇنىنە شامامەن 40-50 ادامعا قىزمەت كورسەتىلەدى. قارىز ءبىر ايعا راسىمدەلەدى. پايىزدىق مولشەرلەمە سوماسىنا بايلانىستى كۇنىنە 0,36-0,4 پايىز، ەگەر ۋاقىتىنان كەشىكسە ءبىر پايىزعا وسەدى. كەپىل رەتىندە بۇيرىقتا كورسەتىلگەن تەحنيكالار (ۇيالى تەلەفون، فوتواپپارات، نوۋتبۋك ت. ب. ) جانە التىن مەن كۇمىس قابىلدانادى. التىن مەن كۇمىس باعاسى لوندون بيرجاسىنا تاۋەلدى. ال تەحنيكا قۇنى ونىڭ جاعدايى مەن قۇندىلىعىنا بايلانىستى. قارىزعا تەحنيكانىڭ نارىقتاعى باعاسىنىڭ 10 پايىزىن قوسادى. ارينە، بيزنەستىڭ قانشا تابىس اكەلەتىنى لومباردتىڭ ورنالاسقان ورنىنا جانە سۇرانىسقا بايلانىستى.

شىعىن: جالپى لومبارد اشۋ ءۇشىن ءوتىنىش ءبىلدىرىپ، قاجەتتى قۇجاتتاردى تولتىرعاننان كەيىن، تىركەلۋ ءۇشىن 6,5 اەك تولەنۋى ءتيىس. ال العاشقى جارعىلىق كاپيتال سوماسى 100 ا ە ك قۇرايدى. عيماراتتى قالا شەتىندەگى اۋدانداردان جالعا الۋ قۇنى - ەڭ از دەگەندە 100-300 مىڭ تەڭگە. ال قالا ورتالىعىنان عيماراتتى جالعا الۋ قۇنى ورتا ەسەپپەن 300 مىڭ تەڭگەدەن 1,5 ملن تەڭگەگە دەيىن بارادى.

جالعا بەرۋ

سوڭعى كەزدەرى جالعا بەرۋ قىزمەتى وتە تانىمال. كەز- كەلگەن قىمبات زاتتى جالعا بەرۋگە بولادى. مىسالى: كيىم، بيجۋتەريا مەن اكسەسسۋارلار، مەرەكەلىك كوستيۋمدەر، قىمبات، وريگينال اۆتوكولىكتەر ت. س. س. قازىر سۇرانىسقا يە بارلىق زاتتار.

قازىرگى ۋاقىتتا قىمبات اۆتوكولىكتەردى جالعا بەرۋ كاسىبى قارقىندى دامىپ جاتىر. اسىرەسە جاز ۋاقىتىندا تويلار مەن مەرەكەلەردە ەرەكشە كولىكتەرگە سۇرانىس ارتا تۇسەدى. اۆتوبيزنەس جوسپارى قاراپايىم. قاجەتتى ينۆەستيتسيا سالىپ، كولىكتەردى ساتىپ الاسىز. كەيىننەن بەلگىلەنگەن باعا بويىنشا جالعا بەرەسىز.

تابىس: BMW X5 اۆتوكولىگىن جالعا بەرۋ قۇنى ساعاتىنا 8000 تەڭگە بولسا، تاۋلىگىنە 110 مىڭ تەڭگە. Mercedes Gelandewagen كولىگىن ساعاتىنا 15000، ال كۇنىنە 150 مىڭ تەڭگەگە جالعا الا الاسىز.

الماتىداعى ەڭ قىمبات اۆتوكولىك - Rolls-Royce Ghost. تاۋلىگىنە بەرىلمەيدى، ءبىر ساعاتقا جالعا الۋ قۇنى - 65 مىڭ تەڭگە. تاعى ءبىر قىمبات اۆتوكولىكتەردىڭ ءبىرى - Mercedes Benz S 222 كولىگىن جالعا الۋ ساعاتىنا 50 مىڭ تەڭگە، ال تاۋلىگىنە 450-500 مىڭ تەڭگە.

شىعىن: اۆتكولىك ساتىپ الۋعا كەتەدى. مىسالى، 2017 -جىلعى BMW X5 كولىگى اۆتوسالونداردا 17 ملن تەڭگە تۇرادى. ال Mercedes Gelandewagen كولىگىنىڭ پايدالانىلعان نۇسقالارىنىڭ ءوزى 65 ميلليون تەڭگەنى قۇرايدى.

سول سياقتى پاتەردى دە جالعا بەرۋگە بولادى

تابىس: ساعاتىنا 1000-1500 تەڭگە، تاۋلىگىنە 6000 تەڭگە. بۇل ەڭ مينيمالدى سوما. سوندا ءبىر ايدا كەمىندە 200 مىڭ تەڭگەدەن 500 مىڭ تەڭگەگە دەيىن تابىس تابۋعا مۇمكىندىك بار.

شىعىن: ەگەر ءوز پاتەرىڭىز بولسا، شامامەن 15-20 مىڭ تەڭگە كوممۋنالدى قىزمەتتەردى تولەۋگە جانە باسقا دا ۇساق تۇيەك شىعىندارعا كەتەدى. ودان بولەك، ورتاشا ەسەپپەن 60-70 مىڭعا جالعا الساڭىز دا بولادى.

قوعامدىق دارەتحانالار

بلوگەرلەردىڭ زەرتتەۋى بويىنشا، قوعامدىق دارەتحانالار ەڭ تابىستى كاسىپ ەكەن. ۆوكزالداعى تازالىق ساقتاۋ ورنىنىڭ جۇمىسىن باقىلاي وتىرىپ، تومەندەگىدەي قورىتىندى جاسادى:

تابىس: قىزمەت قۇنى - 60 تەڭگە، 3 مينۋتتا 5 ادامنان كەلسە 300 تەڭگە بولادى. ساعاتىنا 6 مىڭ، ال تاۋلىگىنە 48 مىڭ تەڭگەگە جۋىق تابىس تابادى. سوندا دارەتحانا بيزنەسىنەن ايىنا - 1 ملن- عا جۋىق (ناقتى 960 مىڭ تەڭگە) تابىس تۇسەدى. بيزنەستىڭ ءوزىن- ءوزى اقتاۋىنا كەپىلدىك بەرىلگەن.

شىعىن: جالعا الۋ قۇنى 100-150 مىڭ تەڭگە. ودان بولەك دارەتحانا قاعازدارى مەن ت. س. س. شىعىندار بار.

جەرلەۋ قىزمەتتەرى

جەرلەۋ اگەنتتىكتەرى بارلىق ۋاقىتتا دا قاجەتتى قىزمەت ءتۇرى. بۇل ءداستۇر ەرتە مە، كەش پە بارلىعىنا قاجەت بولادى. وسى تۇرعىدا مۇسىلماندار مەن حريستيانداردىڭ جەرلەۋ راسىمىندەگى باعا ايىرماشىلىقتارىن ۇسىنامىز.

تابىس: حريستياندار ءۇشىن جەرلەۋگە قاجەتتى ەڭ باستى نارسە - تابىت. اعاشتان جاسالعان قاراپايىم تابىتتار باعاسى 15-35 مىڭ تەڭگە بولسا، ەليتالى تابىتتار قۇنى 100-200 مىڭ تەڭگە ارالىعىندا. ارنايى شىركەۋلىك جيناقتار 2500 تەڭگە تۇرادى. كرەستتەر 15-50 مىڭ تەڭگە ارالىعىندا بولسا، زيراتتى قورشاۋ قۇنى 8000 تەڭگەدەن 50 مىڭ تەڭگەگە دەيىن. كاتافالك جالداۋ باعاسى 28 مىڭ تەڭگە، ال قىزمەتكەرلەر اقىسى ءمايىتحاناعا جەتكىزۋ ءۇشىن ءار ادامعا (2 ادام) 4000 تەڭگە، جەرلەۋ ءۇشىن 8 مىڭ تەڭگە بولادى. ءمايىتتى ساقتاۋ كۇنىنە 7000 تەڭگە، جۋىندىرۋ جانە كيىندىرۋ 8000-12000 تەڭگە، جەر قازۋ 25-30 مىڭ تەڭگە.

مۇسىلمانداردىڭ جەرلەۋ ءراسىمى. جەر قازۋ - 35000 تەڭگە. ءمايىتتى شىعارۋعا ۇسىنىلاتىن تابىت - 5000 تەڭگە. كەبىن باعاسى 7000-8000 تەڭگە. كاتافالك جالداۋ 25 مىڭ - 58 مىڭ تەڭگە ارالىعىندا. ءمايىتتى جۋىندىرۋ - 25 مىڭ تەڭگە. مازار تاقتالارى 18-28 مىڭ تەڭگە. ەسكەرتكىش 80 مىڭ مەن 150 مىڭ تەڭگە ارالىعىندا. سونىمەن قاتار ءمايىتتى بر قالادان ەكىنشى ءبىر قالاعا جەتكىزۋ قىزمەتتەرى دە ۇسىنىلادى. ونىڭ باعاسى، مىسالى، قوستانايدان چەليابينسككە جەتكىزۋ 300 مىڭ تەڭگە بولسا، الماتىدان ماسكەۋگە جەتكىزۋ قۇنى 950 مىڭ تەڭگەنى قۇرايدى.

جالپى العاندا، مۇسىلمانداردىڭ ەڭ قاراپايىم جەرلەۋ ءراسىمىن وتكىزۋ 300 مىڭ تەڭگەگە دەيىن جەتەدى ەكەن. ال ەڭ قىمبات luxury جەرلەۋ ءراسىمى 10 مىڭ دوللارعا دەيىن بارادى.

شىعىن: وتە ۇلكەن كەڭىستىكتى جالعا الۋ كەرەك بولادى. سەبەبى، عيمارات ىشىندە جەكە وفيس، تابىتتتار تۇراتىن، ەسكەرتكىش تاقتالار تۇراتىن ورىن، ءمايىتحانا مەن قويما بولۋ قاجەت. جالعا الۋ قۇنى ورنالاسقان جەرى مەن اۋدانىنا قاراي 200-500 مىڭ تەڭگە كولەمىندە. تابىتتار مەن ەسكەرتكىشتەردى جاساۋعا قاجەتتى قۇرىلىس ماتەريالدارىنىڭ شىعىنى بار. سونىمەن قاتار، مايىتكە قاجەتتى كرەمدەر مەن بالزامدار ت. ب. قاجەت.

 

http://7kun.kz/64409/