قازاقستانداعى شاشى ەڭ ۇزىن 7 بويجەتكەن - فوتو
مۇنى پسيحولوگ ماماندار دا راستايدى. مىسالى، شاشى ۇزىن ءارى جىلتىر كەلەتىن قىزدار كوشباسشى بولعاندى ۇناتادى. شاشى قىسقا، ونى ۇنەمى بۋىپ نەمەسە ءتۇيىپ جۇرەتىن قىزدار جۇرت نازارىنا ىلىكپەۋدى ءجون كورەدى.
ال ومىرىنە تۇبەگەيلى وزگەرىس ەنگىزگىسى كەلگەن قىزدار شاشتارىنىڭ ءتۇسىن ءجيى وزگەرتەدى. وسى سەكىلدى شاش پەن مىنەزدىڭ بايلانىسى كوپ. بۇگىن Stan.kz قازاقستانداعى شاشى ەڭ ۇزىن قىزدار تۋرالى اقپاراتتى نازارلارىڭىزعا ۇسىنادى.
«سۇلۋلىق - سۇمدىق قارۋ». بۇل ماتەل، ەڭ الدىمەن، نازىك جاندىلار جاراتىلىسىنا قاتىستى ايتىلعان. ال، قولاڭ شاش - سول سۇلۋلىقتىڭ نەگىزى، قىز-بويجەتكەندەردىڭ كوركىن ەسەلەي تۇسەتىن قۇندىلىقتارىنىڭ ءبىرى.
الايدا، بۇرىنعى زامانمەن سالىستىرعاندا، بۇگىنگى قىز-كەلىنشەكتەرىمىزدىڭ شاشتارىنىڭ ۇزىندىعى الدەقايدا قىسقارعان. دەسە دە، «قولاڭ شاشتى ارۋ» اتانىپ، سۇلۋلىقتارىن ايقىنداي تۇسكەن بويجەتكەندەرىمىز جوق ەمەس.
بىلەسىز بە؟ الەمدەگى ەڭ ۇزىن شاشتىڭ يەسى ايەل زاتى ەمەس، ەر ادام ەكەن. ول - ۆەتنام تۇرعىنى تران ۆان حاي. قاريانىڭ شاشىنىڭ ۇزىندىعى - 6 مەتر. بۇل قاريا شاشىن سوڭعى رەت 31 جاسىندا قىسقارتقان ەكەن. شاشى كۇندەلىكتى تۇرمىستا وزىنە كەدەرگى جاساماۋى ءۇشىن ونى توبەسىنە ءتۇيىپ قويادى. الايدا، ءبىزدىڭ ۇزىن شاشتى ەركەلەرىمىز كەرىسىنشە شاشتارىن جايىپ، سۇلۋلىقتارىمەن ماقتانعاندى ۇناتادى.
اقمونشاق يسابەرگەنوۆا
2015-جىلى تۇرمىسقا شىققان اقمونشاق يسابەرگەنوۆانىڭ شاشىنىڭ ۇزىندىعى مەن قالىڭدىعى كوزدىڭ جاۋىن الادى. ەڭ باستىسى، بويجەتكەن ءوز سۇلۋلىعىن كورسەتە بىلەدى. مەرەكەلىك وتىرىستارعا بارعان سايىن ءتۇرلى ءورىمدى بايقاپ كورەدى ەكەن. مۇنىمەن قاتار، شاشىنا كۇن سايىن ەرەكشە كۇتىم جاسايتىنى بايقالادى.
اياۋلىم اقىن
ءوزىن اياۋلىم اقىن دەپ تانىستىرعان بويجەتكەن جاسى كىشى بولسا دا، قازاقتىڭ سالت-داستۇرلەرىن بەرىك ۇستاناتىندىعىن بايقاتتى. بويجەتكەن قازاقى شاش ۇلگىسىمەن زاماناۋي ستيلدەگى كيىمدەردى ءوزارا ۇيلەستىرگەندى ۇناتادى. وسى كۇنگە دەيىن شاشىنا حيميالىق بوياۋ تيگىزىپ كورمەگەن ەكەن.
ەلنۇر نۇرعوجايەۆا
سۇلۋلىعىمەن جۇرتتى تامساندارعان ەلنۇر نۇرعوجايەۆا - «ايگۇل» ءانسامبلىنىڭ بەدەلدى مۇشەسى. قازاقى قىلىعىمەن ەلىكتىرە تۇسەتىن بويجەتكەن ۇزىن شاشپەن جۇرگەندى ۇناتادى. ءوزى گيتارادا وينايدى.
بالنۇر ساپاروۆا
كونە مەن بۇگىنگىنى ءوزارا ۇيلەستىرە بىلگەن بويجەتكەندەردىڭ قاتارىندا بالنۇر ساپاروۆا دا بار. سۋرەتتەرىنەن بويجەتكەننىڭ ۇنەمى شاشىن جايىپ جۇرگەندى ۇناتاتىندىعىن بايقاۋعا بولادى. وسى ورايدا، شاشىنا ەرەكشە كۇتىم جاسايتىنى بايقالادى. سەبەبى، قالىڭ دا قايراتتى بۇرىمىنان ۇشتالعان شاشتى كورۋ مۇمكىن ەمەس.
ءمادينا ومىربەكوۆا
ءال-ءفارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتى ءمادينا ومىربەكوۆا دا ءوز سۇلۋلىعىن ۇتىمدى «پايدالانا» بىلەتىن جانداردىڭ قاتارىنان. اتىراۋلىق بويجەتكەن ءوزىن اكتەرلىك قىرىنان سىناپ ءجۇر ەكەن. وسى ورايدا، وعان ۇزىن بۇرىمىنىڭ كوپ پايداسى تيەرى ءسوزسىز.
ايساۋلە قامىسبايەۆا
«اقىلىنا كوركى ساي» دەگەن ماتەل ايساۋلە قامىسبايەۆاعا قاراتىپ ايتىلسا كەرەك. بويجەتكەن ءدال قازىر اقتوبە قالاسىنداعى ج و و- لاردىڭ بىرىندە فيزيكا-ماتەماتيكا فاكۋلتەتىندە ءبىلىم الىپ جاتىر. بيىل ءبىرىنشى كۋرسقا بارعان ول ۇزىن بۇرىمىمەن جۇرتتىڭ ىستىق ىقىلاسىنا بولەنگىسى كەلەتىندىگىن جاسىرمايدى.
نۇربانۋ كاۋازوۆا
نۇربانۋ كاۋازوۆانى جۇرت جاقسى تانيدى. سەبەبى، وسى كۇنگە دەيىن ول تۋرالى ءتۇرلى باسىلىمدا ماقالا جازىلعان-دى. بويجەتكەن شاشى ۇزىن ءارى قالىڭ بولعان سوڭ، موينى مەن باسىنىڭ ءجيى اۋىراتىنىن جاسىرمايدى. نۇربانۋ قوبىز اسپابىن جەتىك مەڭگەرگەن. وسى ورايدا، ونىڭ ساحنالىق وبرازىن تولىقتىرا تۇسۋگە ۇزىن شاشى كومەكتەسەدى.
قىز بالاسىنىڭ سۇلۋلىعى شاشىندا. كەز كەلگەن ارۋدىڭ شاشىنا قاراپ ونىڭ ءوزىن قالاي جاقسى كورەتىنىن انىقتاۋعا بولادى. سەبەبى، ءوزىن سۇيەتىن بويجەتكەن وزىنە ەرەكشە كۇتىم جاساپ، سۇلۋلىعىن ايقىنداي تۇسەدى. ال ءوزىن سۇيە بىلەتىن جاننىڭ وزگەنى دە سىيلاپ، سۇيە بىلەتىنى انىق. قۇرمەتتى وقىرماندارىمىز، ال سىزگە شاشتىڭ قانداي بولعانى ۇنايدى؟ ءسىزدىڭ دە شاشىڭىز ۇزىن با؟