امەريكالىق پاراشيۋتسىز 7 شاقىرىم بيىكتەن سەكىرمەكشى
14:07, 30 - شىلدە 2016
استانا. قازاقپارات - امەريكا قۇراما شتاتتاردا بەلگىلى سكايدايۆەر ليۋك ايكينس ۇشاقتان پاراشيۋتسىز سەكىرۋدى جوسپارلاۋدا.
جۇرەك جۇتقان ەكستريمال سپورتشى جەردەن 7,6 شاقىرىمعا كوتەرىلەدى، ول 4 كران اراسىندا تارتىلعان ارنايى تورعا سەكىرىپ ءتۇسۋدى جوسپارلاۋدا، ال ارقاندارمەن كەرىلگەن تور 20 قابات عيمارات بيىكتىگىندەي جەرگە قۇرىلعان.
ايكينس بۇعان دەيىن 18 مىڭ رەت بيىكتىكتەن پارشيۋتپەن سەكىرگەن، ونىڭ كوپشىلىگىن ەرەكشە، قاۋىپتى جاعدايدا جۇزەگە اسىرعان. باسىن تاۋەكەلگە تىككەن بۇل تريۋكتى Fox News ارناسى كورسەتەدى. ليۋك باستاپقىدا ۇشاقتان 200 مەتر بيىكتىكتەن مانيكەن لاقتىرىپ كورگەن. ونىسى كەرگەن توردى تەسىپ ءوتىپ جەرگە قۇلاعانى ەش الاڭداتپادى.
ەكستريمال اتىشۋلى «تەمىر ادام» فيلمىندە بارلىق تريۋكتەردى ءوزى ورىنداعان. سونىمەن بىرگە ەليتالىق پاراشيۋتشىلەردى جاتتىقتىرۋمەن اينالىسادى.