استانا اۋەجايى جىلىنا 7 ميلليون جولاۋشى قابىلدايتىن بولادى - ج. قاسىمبەك
بۇل تۋرالى بۇگىن حالىقپەن ەسەپتىك كەزدەسۋىن وتكىزگەن ق ر ينۆەستيتسيالار جانە دامۋ ءمينيسترى جەڭىس قاسىمبەك ءمالىم ەتتى.
«ەكسپو-2017 قارساڭىندا جالپى اۋماعى 40 مىڭ شارشى مەتردى قۇرايتىن ەلوردالىق اۋەجايدىڭ جاڭا جولاۋشىلار تەرمينالى قۇرىلىسىنىڭ باستالۋى وتە ماڭىزدى. قۇرىلىس جۇمىستارىن 2017 -جىلدىڭ كوكتەمىندە اياقتاۋ جوسپارلانعان. وتكىزۋ قابىلەتى جىلىنا 7 ميلليون ادامنان، ال قاۋىرت ساعاتتاردا 2,5 مىڭ جولاۋشىدان اساتىن بولادى»، - دەدى ج. قاسىمبەك.
سونىمەن قاتار مينيستر الەمنىڭ جەتەكشى قارجى ورتالىقتارىمەن جاڭا حالىقارالىق اۋە قاتىناستارىن اشۋ جۇمىستارىنىڭ دا جۇرگىزىلىپ جاتقاندىعىن ەسكە سالدى. ماسەلەن، وتكەن جىلى استانادان قازان، سەۋل، پاريج، تبيليسي، دۋبايعا، اتىراۋ- مينەرالدى سۋلار، قىزىلوردا - ماسكەۋ، الماتى - مينسك باعىتتارى اشىلعانىن ەسكە سالدى.
«اعىمداعى جىلى ءبىز الماتى- شيان جانە استانا- امستەردام باعىتتارىندا 2 باعدار اشامىز. وتكەن اپتادا ءبىز فرانسيامەن استانا- پاريج تۇراقتى رەيسى تۋرالى كەلىسىمگە قول قويدىق»، - دەدى ول.
اۆتور: مارلان جيەمباي