الماتى وبلىسىندا تۇرمە باسشىسى 7 جىلعا سوتتالدى
باسپا ءسوز قىزمەتىنىڭ مالىمەتىنشە، قاپشاعاي قالالىق سوتىمەن الماتى قالاسى جانە الماتى وبلىسى بويىنشا ر م م ل ا-155/8 دۋيس مەكەمەسىنىڭ بۇرىنعى باسشىسى ابايدان جاڭابەرگەن جانە وسى مەكەمەنىڭ باس ەسەپشىسىنە قاتىستى قىلمىستىق ءىس قارالدى.
«ءىس ماتەريالدارىنا سايكەس، جاڭابەرگەن ل ا-155/8 مەكەمەسىنىڭ باسشىسى بولا تۇرا، باس ەسەپشىمەن بىرگە مەكەمەنىڭ ىشىنەن دۇكەن ءۇشىن الاڭدى جالعا العان جەكە كاسىپكەردى تەكسەرۋ-وتكىزۋ ورنىنان كەدەرگىسىز وتكىزۋ ءۇشىن جانە جازاسىن وتەپ جۇرگەن تۇلعالارعا تاۋارلاردى ساتۋ ماقساتىندا اي سايىن اقى تولەۋگە ماجبۇرلەگەن. وسىلايشا سىبايلاستار جەكە كاسىپكەردەن 230 مىڭ تەڭگە كولەمىندە پارا الدى»، - دەيدى سوتتاعىلار.
سوت ۇكىمىمەن جاڭابەرگەن مەن باس ەسەپشى ق ر ق ك 366-بابى 3-بولىگى 2-تارماعىمەن («ادامدار توبىنىڭ الدىن الا ءسوز بايلاسۋىمەن پارا الۋى») كىنالى دەپ تانىلىپ، باسقارۋشى لاۋازىم يەلەنۋ قۇقىعىنان ءومىر بويىنا ايىرىلىپ، مۇلكى تاركىلەنىپ، ولارعا جالپى رەجيمدى تۇزەۋ كولونياسىندا 7 جىل باس بوستاندىعىنان ايىرۋ جازاسى تاعايىندالدى.