جاياۋ ءجۇرۋدىڭ 7 پايداسى

نۇر-سۇلتان. قازاقپارات - جاياۋ ءجۇرۋ - ءوزىڭىزدى ءبىر قالىپتا ۇستاۋدىڭ قاراپايىم جولى. كەيبىر سپورتتىڭ ءتۇرى ادامدارعا كەرى اسەرىن تيگىزۋى مۇمكىن. ال جاياۋ ءجۇرۋدىڭ ەشقانداي زيانى جوق. كەرىسىنشە ونىڭ ادام دەنساۋلىعىنا پايدالى تۇستارى وتە كوپ.

1. سالماعىڭىزدى ءبىر قالىپتا ۇستاۋعا كومەكتەسەدى

اۋستراليالىق عالىمدار 2013 -جىلى زەرتتەۋ جۇمىسىن جۇرگىزدى. ولار 822 ادامنىڭ سالماعىن ولشەپ، ءار قاتىسۋشىنىڭ 4 جىلدىڭ ىشىندە 1 كيلوگرام 400 گرامم قوسقانىن انىقتادى. جۇمىسقا كولىكپەن بارعانداردان، جاياۋ بارعان ادامداردىڭ سالماعى 900 گراممعا كەم ەكەنى ءمالىم بولدى.

2. قانىڭىزداعى قانت مولشەرىن رەتتەيدى

جاياۋ ءجۇرۋدىڭ ارقاسىندا قانىڭىزداعى قانت مولشەرىن رەتتەۋگە بولادى. Diabetes Care جۋرانلىندا جاريالانعان عالىمداردىڭ زەرتتەۋى بويىنشا، تاماقتان كەيىنگى 15 مينۋتتىق سەرۋەن قانداعى قانت مولشەرىن رەتتەۋگە كومەكتەسەدى.

3. كوڭىل- كۇيىڭىزدى كوتەرەدى

امەريكالىق پسيحولوگ روبەرت تايەر «10 مينۋت جاياۋ جۇرسەڭىز، 2 ساعات كوڭىل- كۇيىڭىز كوتەرىڭكى جۇرەدى»، - دەيدى.

4. ەستە ساقتاۋ قابىلەتىڭىزدى ارتتىرادى

اپتاسىنا 3 رەت 40 مينۋتتان جاياۋ جۇرەتىن جانداردىڭ ەستە ساقتاۋ قابىلەتى %2 عا جاقسارادى.

5. جاياۋ ءجۇرۋ جۇرەك اۋرۋلارىنىڭ الدىن الادى

كۇنىنە كەم دەگەندە 15 مينۋت جاياۋ جۇرگەن ادام جۇرەك اۋرۋلارىنىڭ الدىن الادى.

6. قاتەرلى ىسىكتىڭ كەيبىر تۇرىنەن ساقتايدى

جاياۋ ءجۇرۋ زات الماسۋ پروتسەسىن جاقسارتىپ، يممۋنيتەتىڭىزدى كوتەرەدى. امەريكالىق ونكولوگيالىق ورتالىق كۇنىنە 1 ساعات جاياۋ جۇرگەن ايەلدەردىڭ ءسۇت بەزى قاتەرلى ىسىگىنە قارسى كۇرەسۋگە قاۋقارى بار ەكەنىن ايتادى.

7. جاياۋ ءجۇرۋ - تەگىن ءارى پايدالى

جاياۋ ءجۇرۋ ءۇشىن تەك ىڭعايلى اياق كيىم مەن ىنتا بولسا بولدى.

جاياۋ ءجۇرۋ ارقىلى ارىقتاعىڭىز كەلسە، ەڭ الدىمەن ونىڭ قاعيدالارىن بىلگەنىڭىز ءجون. جاتتىعۋ بارىسىندا جىلدامدىعىڭىزدى اۋىستىرىپ تۇرىڭىز. ەگەر 2 مينۋت جاي جۇرسەڭىز، 2 مينۋت تەزىرەك جۇرۋگە تىرىسىڭىز. جاياۋ ءجۇرۋدىڭ پايداسىن بارىمەن ءبولىسىڭىز.
massaget.kz