اقتاۋلىق بيشىلەر رەسەيدەگى حالىقارالىق تۋرنيردە 7 بىردەي ءبىرىنشى ورىندى جەڭىپ الدى - فوتو
سايىستار 21-22 - ناۋرىز كۇندەرى ءوتتى.
تۋرنيرگە قازاقستان مەن رەسەيدەن بارلىعى 1200 دەن استام ونەرپاز قاتىستى.
قازاقستان اتىنان سايىسقا تۇسكەن اقتاۋ قالاسىنان ەكى ءبي كلۋبىنىڭ بالالارى ونەر كورسەتتى. «جاس قانات» سپورت كەشەنى 3 جۇپتى سىنعا سالدى. ولاردىڭ ەكەۋى «ن» كلاسىندا ونەر كورسەتىپ، 7 بىردەي ءبىرىنشى ورىندى جەڭىپ الدى. بۇل جۇپتار داۆيد بابايان مەن پولينا حوحلوۆا، سونداي-اق اراي تىلەكتەس پەن دانيل كالينين.
«بۇلار ءبي ونەرىمەن جاڭادان اينالىسىپ ءجۇر. داۆيد پەن پولينانىڭ جۇبى ءۇش ءبىرىنشى ورىنعا يە بولدى، ولار بۇدان بۇرىن دا كونكۋرستارعا قاتىسىپ ءجۇر، ال، دانيل مەن اراي جۇبى العاش رەت ونەر كورسەتسە دە، ءتورت ءبىرىنشى ورىنعا قول جەتكىزدى»، دەپ ءتۇسىندىردى ءوز تاربيەلەنۋشىلەرىنىڭ ونەرىنە جاتتىقتىرۋشى ناتاليا دانيلوۆا.
تۋرنيردەگى بالالاردىڭ ونەرىنە رەسەي، ارمەنيا، ازەربايجان جانە قازاقستان تورەشىلەرى باعا بەردى.