الەمدەگى ۆاليۋتالارى ەڭ تۇراقسىز 7 مەملەكەت
دوبرا، سان-تومە مەن پرينسيپي
گۆينەيا شىعاناعىنداعى افريكالىق كىشكەنتاي ارال- مەملەكەتتىڭ ۆاليۋتاسى - الەمدەگى ەڭ تۇراقسىز اقشالاردىڭ ءبىرى. قازىر 1 ەۆرونىڭ رەسمي باعامى - 25 مىڭ دوبراعا جۋىق. ەلدە ايىرباستىڭ قارا نارىعى بار، ول جەردە باعامنىڭ 30 پايىزعا ايىرماشىلىعى بولادى. سوعان قاراماستان، دوبرا كۋپيۋرالارى الەمدەگى ەڭ ادەمى اقشالاردىڭ ءبىرى سانالادى.
دونگ، ۆەتنام
بۇگىندە 1 ەۆرو 26 مىڭ ۆەتنام دونگى تۇرادى. ەلدىڭ اقشا اينالىمىنداعى ەڭ ۇلكەن بانكنوت - 500 مىڭ دونگ. تۋريستەردەن دوللارمەن ەسەپ ايىرىسۋ سۇرالادى، سەبەبى جەرگىلىكتى تۇرعىندار دونگقا سەنبەيدى.
ريال، يران
يراندا 1979-جىلى بولعان يسلام توڭكەرىسى كەزىندە ريال قۇلدىرادى، ينۆەستورلار ەلدەگى بار قاراجاتىن الىپ كەتتى. سودان بەرى يراندا ينفلياتسيا دەڭگەيى جوعارى. يران ۇكىمەتىنىڭ ەكونوميكانى تۇراقتاندىرۋعا كۇش سالۋىنا قاراماستان، ريال ۇنەمى قۇنسىزدانىپ وتىرادى. 1 ەۆرو قازىر 33 مىڭ ريالدان اسىپ كەتەدى.
رۋپيا، يندونەزيا
يندونەزيادا اقشا ايىرباسىنىڭ قارا نارىعى جاقسى دامىعان، ارالدار اراسىندا ۇزدىكسىز باسەكەلەستىك بار، ەلدە 1977-جىلدان بەرى قارجى داعدارىسى بار، كۇرىش القاپتارى ءونىم بەرمەي كەلەدى - وسىنىڭ ءبارى جەرگىلىكتى ۆاليۋتانىڭ تۇراقتانۋىنا كەدەرگى كەلتىرەدى. بۇگىندە ەلدە 1 ەۆرو 15 مىڭ رۋپيا تۇرادى.
كۆاچا، زامبيا
زامبيا ەكونوميكاسى مىس ەكسپورتىنا شامادان تىس تاۋەلدى. بۇعان قوسا، ەلدىڭ سىرتقى قارىزى دا شەكتەن شىعىپ كەتكەن. ەلدە جەكە كومپانيالار ۇلتتاندىرىلعان. جۋىردا زامبيادا وسى احۋالداردى وزگەرتۋگە باعىتتالعان رەفورمالار جۇرگىزىلدى، ءبىراق كۆاچا ءبارىبىر تۇراقسىز ۆاليۋتا بولىپ تۇر: 1 ەۆرو 600 كۆاچاعا جۋىق.
گۋاراني، پاراگۆاي
پاراگۆايدا جەمقورلىق دەڭگەيى تىم جوعارى، قارا بازارلار كوپ، ينفلياتسيا ىرىق بەرمەي تۇر. سول سەبەپتى گۋاراني نىعايماي كەلەدى. ەلدەگى ەڭ ءىرى بانكنوت - 100 مىڭ گۋاراني، ءبىراق ەلدە بۇل كۋپيۋرالاردىڭ كوبى جالعان اقشا بولىپ شىعۋى مۇمكىن. قازىر تۇرعىندار 1 ەۆرونى 6000 عا جۋىق گۋارانيگە ساتىپ الادى.
دوللار، زيمبابۆە
زيمبابۆە دوللارىن ا ق ش دوللارىمەن استە سالىستىرۋعا كەلمەيدى. قازىر ەلدە 1 ەۆرو 468646 دوللار تۇرادى. ول دا - الەمدەگى ەڭ تۇراقسىز اقشالاردىڭ ءبىرى.
tengrinews.kz