ايگىلى ءانشى ءۇيسىز جاندارعا باسپانا سالۋعا 7 ميلليون دوللار بەردى
14:41, 10 - شىلدە 2014
استانا. قازاقپارات - عالامشاردىڭ ەڭ باي انشىلەرىنىڭ ءبىرى بەيونسە مۇقتاج جانە اۋرۋ جاندارعا كومەك قولىن سوزۋدان جالىعار ەمەس. جۇلدىز ءانشى تۋعان قالاسى حيۋستوندا ءۇيسىز- كۇيسىز ادامدارعا تۇرعىن ءۇي سالىپ الۋلارى ءۇشىن 7 ميلليون دوللار قاراجات بەردى.
جوبانى قولعا الماس بۇرىن اتاقتى ءانشى ءوزىنىڭ دوسى، پاستور رۋدي راسمۋستىڭ باتاسىن سۇرادى، دەپ حابارلادى Popcornnews.
«ول - وتە تاماشا جان. جۇرەگى وتە كەڭ، بىزدەن جاردەمىن ايامايدى. ونىڭ ىزگى ءىس- ارەكەتتەرىنە قاراپ، وسىنداي دوسىمنىڭ بارىنا شەكسىز ريزامىن» ، - دەدى پاستور.