كەز- كەلگەن قۇقىقبۇزۋشىلىق ءۇشىن جاۋاپكەرشىلىك قاراستىرىلعان. ازاماتتارعا جاقىن ماڭداعى ازىق- تۇلىك دۇكەنى، ءدارىحاناعا بارۋعا، مەديتسينالىق قىزمەت الۋ مەن رۇقسات ەتىلگەن جۇمىسقا بارۋعا بولادى. باسقاداي جاعدايدا ۇيدەن شىعۋعا تىيىم سالىنعان، دەپ حابارلايدى قازاقپارات پ د سىلتەمە جاساپ. وتكەن تاۋلىكتە، ياعني 15 - ساۋىردە 139 ازامات اكىمشىلىك جاۋاپقا تارتىلدى، ولاردىڭ ۇشەۋى تۇتقىندالىپ، 8 -نە ايىپپۇل سالىندى، 32 ازاماتقا ەسكەرتۋ جاسالسا، 19 ءىس سوت قاراۋىندا جاتىر. ءارتۇرلى اكىمشىلىك جاۋاپقا تارتىلعان 106 اۆتوكولىك كوممۋنالدىق تۇراققا جىبەرىلدى. كارانتين رەجيمى باستالعالى بۇل سان 792 گە جەتتى. جالپى كارانتين باستالعالى 2 مىڭنان استام ادام اكىمشىلىك جاۋاپقا تارتىلدى، ولاردىڭ 183ءى قاماۋعا الىنىپ، 1330 ازاماتقا ايىپپۇل سالىندى، 472 ەسكەرتۋ جاسالىپ، 65 ماتەريال سوتتىڭ قاراۋىندا جاتىر. قالا اۋماعى كوشەلەردىڭ شەكاراسى ارقىلى شارشى الاڭدارعا بولىنگەن. ءارقايسىسىندا ءتارتىپ ساقشىلارى جاعدايدى باقىلاپ تۇر. قالادا 26 موبيلدىك پوست ورناتىلعان. «پوليتسيا قىزمەتشىلەرى ەنگىزىلگەن ششەكتەۋلەرگە بايلانىستى تۇرعىندار اراسىندا ءتۇسىندىرۋ جۇمىستارىن جۇرگىزىپ جاتىر. توتەنشە جاعداي رەجيمىن بۇزعان ادامدار زاڭعا سايكەس جازالانادى»، - دەلىنگەن پ د حابارلاماسىندا.
بىرنەشە رەت ەسكەرتۋ جاسالىپ، تۇرعىندارمەن الدىن الا ءتۇسىندىرۋ جۇمىستارى جۇرگىزىلىپ جاتقانىنا قاراماستان كوپشىلىك بۇل تالاپقا سەلقوس قارايدى. «قۇرمەتتى قالا تۇرعىندارى، تۇرعىنداردىڭ قاۋىپسىزدىگىن قامتاماسىز ەتۋ ماقساتىندا كارانتين رەجىمىن ساقتاۋدى تالاپ ەتەمىز. وتكىزىلىپ جاتقان شارالارعا تۇسىنىستىكپەن قاراپ، پوليتسيا قىزمەتشىلەرىنىڭ زاڭدى تالاپتارىن ورىنداپ، ينفەكتسيانىڭ الدىن الۋدا ولارعا قولداۋ كورسەتۋلەرىڭىزدى سۇرايمىز. بارلىق شارالار ءسىزدىڭ جانە جاقىندارىڭىزدىڭ دەنساۋلىعى ءۇشىن قولعا الىندى» ، - دەپ اتاپ ءوتتى پوليتسيا وكىلى.