الماتىدا 78 اتىس قارۋى جاسىرىلعان ورىن تابىلدى

الماتى. قازاقپارات - الماتىدا ۇيىمداسقان قىلمىستىق توپتىڭ مۇشەلەرىنەن ءىرى قارۋ-جاراق اسكەري ارسەنالى تاركىلەندى، دەپ حابارلايدى قازاقپارات ءتىلشىسى.

پوليتسيا مەن الماتى قالاسى بويىنشا ۇ ق ك د قىزمەتكەرلەرى جۇرگىزگەن ءىس-شارا بارىسىندا قىلمىستىق توپتىڭ بەس مۇشەسى ۇستالىپ، قاماۋعا الىندى.

ولاردىڭ اۋىر جانە اسا اۋىر قىلمىستار جاساعانى بەلگىلى بولدى.

«كەشەندى جەدەل جانە ارنايى ءىس-شارالار بارىسىندا ولاردىڭ الماتى وبلىسى اۋماعىندا بىرنەشە قارۋدى جاسىرعانى انىقتالدى. ناتيجەسىندە ەكى «كالاشنيكوۆ» اۆتوماتى (ا ك س)، «ماكاروۆ» جانە «ت ت» جۇيەلەرىنىڭ ەكى جاۋىنگەرلىك تاپانشاسى، ءۇش اڭشىلىق كارابين، ەكى تەگىس ۇڭعىلى ۆينچەستەر، 13 كەسىلگەن اڭشى مىلتىعى، 53 اڭشى مىلتىعى، ءۇش تراۆماتيكالىق تاپانشا، سونداي-اق، ءارتۇرلى اتىس قارۋىنا ارنالعان 200 دەن استام وق-ءدارى تابىلدى.

سونىمەن قاتار ۇيىمداسقان قىلمىستىق توپ مۇشەلەرىنەن ەكى جاۋىنگەرلىك جانە ءتورت جارىق شۋلى گراناتا، ءتورت پىشاق، ەكى پورتاتيۆتى راديوستانتسيا، سونداي-اق، ءارتۇرلى ارنايى قۇرالدار - وپتيكالىق كوزدەۋىشتەر، وق وتكىزبەيتىن جيدە، تاياقشا جانە ت. ب. تاركىلەندى. سوڭعى قارۋ- جاراق جاسىرىلعان ورىندى كەشە عانا انىقتادىق»، - دەدى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.

قازىر «قارۋ مەن وق-دارىلەردى زاڭسىز ساقتاۋ» دەرەگى بويىنشا ق ر ق ك- ءنىڭ 287-بابى 3-بولىگىنىڭ نورمالارىنا سايكەس، سوتقا دەيىنگى تەرگەۋ امالدارى جۇرگىزىلۋدە. تاركىلەنگەن قارۋ-جاراق ارسەنالى ساراپتاماعا جىبەرىلدى، ونىڭ قورىتىندىسى بويىنشا تاركىلەنگەن قارۋ-جاراق پەن وق-دارىلەردىڭ شىعۋ تەگى جانە يەسى انىقتالاتىن بولادى.