قازاق كومپوزيتورى 78 جاسىندا ديپلوم قورعادى
دەپ حابارلايدى BAQ. KZ ءتىلشىسى.
تانىمال كومپوزيتور وسىدان ەكى جىل بۇرىن حالەل دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنە «سۋرەتشى» ماماندىعى بويىنشا بىلىكتىلىك الۋ ءۇشىن قۇجاتتارىن تاپسىرعان بولاتىن. جاسىنا قاراماستان جاستارمەن بىرگە وقۋعا ءتۇسىپ تالاپكەر اتانعان ءىليا جاقانوۆ مەملەكەتتىك كوميسسيا الدىندا ءوزىنىڭ ديپلومدىق جۇمىسىن ءساتتى قورعادى. ءوزىنىڭ ايتۋىنشا، بالا كۇنىنەن سۋرەتشى بولۋدى ارمانداعان. ءبىراق، ونىڭ بۇل تىلەگىن ءومىر باسقا ارناعا بۇرىپ، سۋرەتشى اتانۋىنا مۇمكىندىگى بولماپتى.
«تۋعان ەلگە، وتانعا دەگەن ماحابباتىمدى مەن مەن ءوزىمنىڭ ادەبي شىعارمالارىمدا جانە مۋزىكالىق ەڭبەكتەرىمدە كورسەتتىم. بۇل ەڭبەكتەرىم قوعامعا تانىمال، ونى حالىق بىلەدى. ەندىگى ۋاقىتتا ءوزىمنىڭ ەلگە دەگەن سۇيىسپەنشىلىگىمدى قىلقالاممەن جەتكىزگىم كەلەدى» ، - دەيدى ءى. جاقانوۆ.
ايتا وتەيىك، ءىليا جاقانوۆ وسى ۋاقىتقا دەيىن 1959 -جىلى ءال- فارابي اتىن¬داعى قازاق ۇلتتىق ۋنيۆەرسيتەتى¬نىڭ فيلولوگيا فاكۋلتەتىن بىتىرگەن. ءى. جاقانوۆ «قازاق ك س ر- ءنىڭ ەڭبەك سىڭىرگەن مادەنيەت قىزمەتكەرى» (1990) ؛ «قىرعىزستاننىڭ ەڭبەك سىڭىرگەن مادەنيەت قايراتكەرى» (1994) ؛ الەۋمەتتىك عىلىمدار اكادەمياسىنىڭ قۇرمەتتى اكادەميگى (1997) ، قازاقستاننىڭ ەڭبەك سىڭىرگەن قايراتكەرى (1998) ، حالىقارالىق جامبىل اتىنداعى سىيلىقتىڭ يەگەرى (1997) . «سىرلى جۇرەك پەرنەسى» اتتى ليريكالىق ەسسە كىتابى 2008 -جىلى «ۇشپاق» باسپاسىنان جارىق كوردى.
نۇرسەرىك جولبارىس