جاڭا جىلدىڭ ءبىرىنشى كۇنى قازاقستاندا 782 نارەستە دۇنيەگە كەلدى

استانا. قازاقپارات - جاڭا جىلدىڭ ءبىرىنشى كۇنى رەسپۋبليكا پەرزەنتحانالارىندا 782 بالا، 398 ۇل جانە 384 قىز، ونىڭ ىشىندە ءۇش جۇپ ەگىز دۇنيەگە كەلدى، دەپ حابارلايدى قازاقپارات.

دەنساۋلىق ساقتاۋ مينيسترلىگى تاراتقان مالىمەتكە سەنسەك، مەرەكە كۇنى تۋعان نارەستەلەردىڭ ەڭ كوبى تاعى دا تۇركىستان وبلىسىندا تىركەلگەن - 115 بالا.

ەكىنشى ورىندا - وڭتۇستىك مەگاپوليس الماتى 83 بالاعا تولىقتى.

ءۇشىنشى - شىمكەنت قالاسى، وندا بىردەن 69 ءسابي دۇنيەگە كەلدى.

ەل استاناسىندا 1-قاڭتاردا 60 نارەستە ءومىر ەسىگىن اشتى.