جىل باسىنان بەرى ەلوردادا 77 كوپ بالالى انا ماراپاتتالدى
14:03, 22 - ماۋسىم 2016
استانا. قازاقپارات - ەلوردادا ءاربىر اۋدان اكىمدىگىندە كوپ بالالى انالاردى «التىن القا» جانە «كۇمىس القا» قۇرمەت بەلگىلەرىمەن سالتاناتتى ماراپاتتاۋ ءراسىمى وتكىزىلەدى، دەپ حابارلايدى قالالىق اكىمدىكتىڭ باسپا ءسوز قىزمەتى.
«الماتى» اۋدانىندا 42 كوپ بالالى انا اتالعان قۇرمەت بەلگىسىنە يە بولعان، سونىڭ ىشىندە 14 ى «التىن القا»، ال 30 ى «كۇمىس القا» العان. «ەسىل» اۋدانىندا «التىننان» القا تاققان 4 جانە 5 كۇمىس القا يەگەرى تۇرادى. «سارىارقا» اۋدانى بويىنشا «التىن القا» العاندار التاۋ، ال 20 انا «كۇمىس القامەن» ماراپاتتالعان.
استانادا ەلىمىزدىڭ دەموگرافياسىنا ەلەۋلى ۇلەس قوسقان انالارعا ەرەكشە قۇرمەت كورسەتىلەدى. الەۋمەتتىك باعدارلامالاردى جۇزەگە اسىرۋ اياسىندا كوپ بالالى انالار مەن ولاردىڭ وتباسىلارىنا جان- جاقتى مەملەكەتتىك قولداۋ كورسەتىلەدى.