تۇركىستان وبلىسىندا 77 جاستاعى قاريا 2 كۇننەن بەرى ىزدەستىرىلىپ جاتىر
11:24, 11 - ماۋسىم 2023
تۇركىستان. قازاقپارات- تۇركىستان وبلىسىندا 77 جاستاعى قاريا 2 كۇننەن بەرى ىزدەستىرىلىپ جاتىر، دەپ حابارلايدى قازاقپارات ءتىلشىسى.
وقيعا وتىرار اۋدانىنا قاراستى تالاپتى اۋىلدىق وكرۋگىندە بولدى. 8-ماۋسىم كۇنى تاڭعى ساعات 6:00 شاماسىندا ۇيىنەن شىعىپ كەتكەن 1946 -جىلعى ەر ادام، قايتا ورالماعان.
ىزدەۋ جۇمىستارىنا تۇركىستان وبلىسى ت ج د جانە پوليتسيا دەپارتامەنتىنىڭ قىزمەتكەرلەرى، ەرىكتىلەر مەن تۋىستارى جۇمىلدىرىلدى. قازىرگى تاڭدا 94 جەكە قۇرام، 14 تەحنيكا وزەن ءىشىن، قاراۋسىز قالعان عيماراتتار مەن جول بويلارىندا ىزدەۋ جۇمىستارىن جۇرگىزىپ جاتىر.