انامبرا شتاتىنىڭ وڭتۇستىك شىعىسىندا دەڭگەيى ءۇيدىڭ شاتىرىنا دەيىن كوتەرىلگەن تاسقىن سۋدان قاشىپ قۇتىلامىز دەگەن 80 نەن استام ادام مىنگەن قايىق اۋدارىلىپ قالدى.
ەلدىڭ توتەنشە جاعدايلار جونىندەگى ۇلتتىق اگەنتتىگىنىڭ مالىمەتىنشە تابيعي اپات سالدارىنان 600 مىڭنان استام ادام تۇرعان جەرلەرىن تاستاپ كەتۋگە ءماجبۇر بولدى.
انامبراداعى قايعىلى وقيعا ءبىر اپتا بۇرىن كورشىلەس سولتۇستىك- ورتالىق كوگي شتاتىنىڭ بولىكتەرىن باسىپ وتكەن سۋ تاسقىنىنىڭ جويقىن زارداپتارىنان كەيىن بولدى.
نيگەريانىڭ ۇلتتىق ىشكى سۋ جولدارى باسقارماسىنىڭ مالىمەتى بويىنشا، سۋ تاسقىنى 13,22 مەتردە تىركەلدى، بۇل 2012 -جىلعى سۋ تاسقىنى كورسەتكىشى - 12,84 مەتردەن استى.
بيىل نيگەرياداعى سۋ تاسقىنى جويقىن بولدى، سالدارىنان 300 گە جۋىق ادام قازا تاۋىپ، جارتى ميلليوننان استام ادام زارداپ شەكتى.
افريكا ەلىنىڭ بيلىگى نيگەر مەن بەنۋە وزەندەرىنىڭ بويىنداعى شتاتتاردا اپاتتى سۋ تاسقىنى بولاتىنىن ەسكەرتىپ، نيگەريانىڭ ءۇش سۋ قويماسى تولىپ كەتۋى مۇمكىن ەكەنىن ءتۇسىندىردى.