بۇل جايىندا تۇركيا ۇكىمەتى جانىنداعى توتەنشە جاعدايلاردىڭ الدىن الۋ جانە سالدارىن جويۋ باسقارماسى (AFAD) ءمالىم ەتتى.
كەشە ساعات 17:20 كەزىندەگى سوڭعى اقپاراتقا سەنسەك، اۋرۋحاناعا ءزىلزالادان زارداپ شەككەن 940 ادام جەتكىزىلگەن. ونىڭ ىشىندە 722 ادام كومەك كورسەتىلگەن سوڭ ۇيىنە جىبەرىلدى.
28 ناۋقاس ءالى ەم الىپ جاتىر. قيراپ قالعان 8 عيماراتتا قۇتقارۋ-ىزدەۋ جۇمىسى جالعاسىپ جاتىر.
جەر سىلكىنىسىنەن كەيىن 947 افتەرشوك بولعان، ونىڭ 43 ءىنىڭ ماگنيتۋداسى 4 بالدان استى.
ەسكە سالا كەتەيىك، جۇما كۇنى تۇركيانىڭ باتىسىندا 6,6 بالدىق جەر سىلكىنىسى بولدى. جەراستى ءدۇمپۋى جەرگىلىكتى ۋاقىتپەن 14:51 كەزىندە يزمير پروۆينتسياسى سەفەرحيسار اۋدانىنداعى ەگەي تەڭىزىنىڭ جاعالاۋىندا تىركەلگەن.
ءزىلزالا وشاعى - 16,5 شاقىرىم تەرەڭدىكتە. قازاقستان پرەزيدەنتى قاسىم-جومارت توقايەۆ ەلىمىزدىڭ تۇركياداعى جەر سىلكىنىسىنەن زارداپ شەككەندەرگە كومەكتەسۋگە دايىن ەكەنىن جەتكىزدى.