قازاقستان رەسەيلىك ي ل-76 اسكەري- كولىكتىك ۇشاقتارىنا العاشقى تاپسىرىس بەرۋشى بولا الادى
سەيسەنبى كۇنى ق ر قورعانىس ءمينيسترى يمانعالي تاسماعامبەتوۆ ءوزىنىڭ ارىپتەسى سەرگەي شويگۋمەن اسكەري- تەحنيكالىق ىنتىماقتاستىق ماسەلەلەرىن تالقىلادى.
ماسكەۋ مەن استانا ياك-152 وقۋ ۇشاعىن جانە ياك-130 وقۋ- جاۋىنگەرلىك ۇشاعىن جەتكىزۋ بويىنشا كەلىسسوزدەر جۇرگىزۋدى باستادى. ي ل-76م د-90ا اسكەري- كولىكتىك ۇشاقتارى جايلى دا ءسوز قوزعالدى: ەگەر تاراپتار كەلىسىمشارت پارامەترلەرىنە تەز مامىلەگە كەلسە، قازاقستان الجير، يران مەن و ا ر- دى باسىپ وزىپ، جاڭا «ي ل» ۇشاقتارىنىڭ العاشقى شەتەلدىك تاپسىرىس بەرۋشىسى بولا الادى.
س. شويگۋ قازاقستانعا سوڭعى ەكى ايدا ەكىنشى رەت كەلىپ وتىر: 8- ماۋسىمدا قارۋ- جاراق جەتكىزۋ ماسەلەلەرى جانە باسقا دا ماسەلەلەر تالقىلاندى. قازاقستاندىق اسكەري مەكەمەنىڭ باسپا ءسوز قىزمەتى حابارلاعانداي، مينيسترلەر ۇجىمدىق قاۋىپسىزدىك شارتى ۇيىمى اياسىندا مەملەكەتارالىق كەلىسىمدى بەكىتۋ ماسەلەلەرىن قاراستىردى. كەلىسىم ۇيىمعا مۇشە مەملەكەتتەر اراسىندا اسكەري تاۋار ونىمدەرىن وتكىزۋدى، اسكەري كولىك پەن ترانزيتتى وڭتايلاتۋدى كوزدەيدى.
قازاقستاننىڭ قايتا جاراقتانۋ بويىنشا، اسىرەسە اۆياتسيا سالاسىندا جوسپارلارى وتە اۋقىمدى. اۆياتسيا سالاسىندا بىرنەشە جوبالار جۇزەگە اسۋى مۇمكىن، دەلىنگەن «كوممەرسانت» گازەتىندە.
قازاقستان مەن رەسەي اراسىنداعى اسكەري- تەحنيكالىق ىنتىماقتاستىق تۇراقتى دامىپ كەلەدى. 2015 -جىلى تاراپتار قازاقستان قارۋلى كۇشتەرىنە رەسەي اسكەري تەحنيكاسىن رەسەي اسكەريلەرىمەن بىردەي باعادا ساتىپ الۋعا رۇقسات ەتەتىن كەلىسىمگە قول قويدى.