مادەنيەت سالاسىنداعى مەملەكەتتىك ستيپەنديا 75 ازاماتقا تابىستالدى
بۇل جايىندا مەملەكەتتىك كەڭەسشى ەرلان قارين ءوزىنىڭ الەۋمەتتىك جەلىدەگى رەسمي پاراقشاسىندا جازدى، دەپ حابارلايدى قازاقپارات ءتىلشىسى.
«كەشە الماتىدا زيالى قاۋىم وكىلدەرىمەن كەزدەسىپ، 2022 -جىلعى مادەنيەت سالاسىنداعى مەملەكەتتىك ستيپەنديانى سالتاناتتى تۇردە تابىستاۋ راسىمىنە قاتىستىم. مەملەكەتتىك ستيپەنديا مادەنيەت پەن ونەر قايراتكەرلەرىنە، شىعارماشىل تۇلعالارعا جانە جاستارعا ەلىمىزدىڭ رۋحانياتىن قالىپتاستىرۋعا، دامىتۋعا قوسقان ۇلەسى ءۇشىن بەرىلەدى. بيىل 75 ازامات اتالعان ماراپاتقا يە بولدى»، - دەپ جازدى مەملەكەتتىك كەڭەسشى ءىnstagram پاراقشاسىندا.
ەسكە سالا كەتەيىك، بۇعان دەيىن مەملەكەت باسشىسى 2022 -جىلى مادەنيەت سالاسىنداعى مەملەكەتتىك ستيپەنديانى بەرۋ تۋرالى جارلىققا قول قويعان بولاتىن.
وعان سايكەس، مەملەكەتتىك ستيپەنديا 31 ادەبيەت جانە 37 ونەر قايراتكەرىنە بەرىلەدى.