The Washington Post گازەتى ءوزىنىڭ اقپارات كوزدەرى مەن قۇجاتتارعا سىلتەمەمەن حابارلاعانداي، كومپانيانى كىم ساتىپ السا دا الداعى ايلاردا قىزمەتكەرلەر سانى مەن جالاقى تولەۋ قورى قىسقارتىلادى.
الەۋمەتتىك جەلى سونداي-اق ينفراقۇرىلىمىن دا، اتاپ ايتقاندا دەرەكتەردى وڭدەۋ ورتالىقتارىن دا قىسقارتادى.
باسىلىم مالىمەتىنشە، Twitter- دە قازىر 7,5 مىڭ قىزمەتكەر جۇمىس ىستەيدى. ەگەر يلون ماسك جوسپارى جۇزەگە اسسا، كومپانيادا 2 مىڭعا جۋىق جۇمىسكەر قالادى. Twitter قىزمەتكەرلەرىن قىسقارتادى دەگەن اقپاراتتى جوققا شىعارىپ وتىر.
بيىلدىڭ ەڭ كوپ كۇتىلگەن مامىلەلەلرىنىڭ ءبىرى الداعى اپتادا اياقتالۋى مۇمكىن. ماسك الەۋمەتتىك جەلىنى $44 ميلليون سوماعا ساتىپ الۋعا نيەتتى ەكەنىن ساۋىردە ءمالىم ەتىپ، مامىردا كومپانيادان فەيك اككاۋنتتار جايلى اقپاراتتى سۇراتقان بولاتىن. ونى الماعان سوڭ بيزنەسمەن كومپانيانى ساتىپ الۋدان باس تارتاتىنىن مالىمدەگەن ەدى. سول كەزدە Twitter ماسكتى سوتقا بەرگەن. قازاننىڭ باسىندا ماسك كەلىسسوزدەردى قايتا جالعاستىردى. سوت وعان ساتىپ الۋ تۋرالى مامىلەنى اياقتاۋعا 28 قازانعا دەيىن ۋاقىت بەردى.
ەسكە سالساق، جۋىردا امەريكالىق كاسىپكەر يلون ماسك Twitter-دى باستاپقى باعامەن ساتىپ الۋ كەلىسىمىن ۇزارتۋدى ۇسىندى. ءساۋىر ايىندا ماسك الەۋمەتتىك جەلىنى 44 ميلليارد دوللارعا ساتىپ الۋدى ۇسىندى. ءبىراق شىلدەنىڭ باسىندا زاڭگەرلەر كومپانيانى Twitter جالعان پروفيلدەر تۋرالى سەنىمدى اقپارات بەرمەگەندىكتەن ساتىپ الۋدان باس تارتقانىن حابارلادى.