الەمگە ايگىلى 75 جاستاعى تەننيسشىگە قىز زورلادى دەگەن ايىپ تاعىلدى
بۇل تۋرالى lenta.ru حابارلادى.
كەشە العاشقى سوت وتىرىسى ءوتىپ، باس قازى بەرت بام ءۇش جابىرلەنۋشى ايەلدىڭ ءسوزىن جاقتادى. ول: «ۇشەۋىنىڭ كەلتىرگەن دەرەكتەرى وتە ۇقساس. سوندىقتان حيۋيتتى الدىن الا دايىندالعان جوسپار بويىنشا ارەكەت ەتتى دەۋگە تولىق نەگىز بار»، - دەدى.
ايتسە دە، بۇرىنعى تەننيسشى وزىنە تاعىلعان ايىپتى مويىنداعان جوق.
ايتا كەتەيىك، و ا ر سوتىنا وسى جىلدىڭ اقپان ايىندا 75 جاستاعى حيۋيتتىڭ ۇستىنەن ءوزىنىڭ بۇرىنعى شاكىرتى ارىزدانعان. وندا شاعىمدانۋشى تاراپ 1990 - جىلدارى بوبتىڭ قول استىندا جاتتىققانىن، ايتىپ: «14 تەن 17 جاسىما دەيىن ءۇش جىل بوب حيۋيتتەن ءتالىم الدىم. سول كەزدە ول ءدال كورتتىڭ ورتاسىندا مەنى زورلادى»، - دەگەن.
بۇعان دەيىن دە جاسى كەلگەن سپورتشىنىڭ ۇستىنەن وسىنداي ەكى ارىز تۇسكەن. ول كەزدە قىلمىستىق ءىس قوزعالىپ، ءتىپتى 2012 - جىلى تەننيستىڭ حالىقارالىق داڭق زالىنان اتى الىنىپ تاستالدى.
بوب حيۋيتتىڭ ەسىمى ول جەرگە 1992 - جىلى ەنگىزىلگەن ەدى. اتالعان سپورتشى جۇپتىق سايىس بويىنشا «ۇلكەن دۋلىعا» تۋرنيرلەرىنىڭ توعىز دۇركىن جەڭىمپازى. سونىڭ بەسەۋىنە «ۋيمبلدون» تۋرنيرىندە قول جەتكىزگەن. 1964 - جىلعا دەيىن اۆستراليا اتىنان سىنعا ءتۇسىپ كەلسە، كەيىن و ا ر عا قونىس اۋدارىپ، سول ەلدىڭ نامىسىن قورعادى. سپورتشى رەتىندە ول بارلىعى 600 مىڭ دوللار تابىس تاپقانىن ايتا كەتەيىك.
«ەگەمەن قازاقستان»