ىستامبۇلدا قاردىڭ قالىڭدىعى 75 سانتيمەترگە جەتتى
08:10, 20 - اقپان 2015
استانا. قازاقپارات - ىستامبۇلدا قاردىڭ قالىڭدىعى 75 سانتيمەترگە جەتىپ، 1987-جىلى ناۋرىز ايىندا تىركەلگەن رەكوردتىق كورسەتكىش - 63 سانتيمەتردەن دە اسىپ ءتۇستى، دەپ حابارلادى ر ي ا نوۆوستي بەيسەنبى كۇنى تۇركيانىڭ مەتەو قىزمەتىنە سىلتەمە جاساپ.
كەشە ىستامبۇل اۋەجايى قاتتى جاۋعان قاردىڭ سالدارىنان 350 دەن استام ىشكى جانە حالىقارالىق رەيستەردى توقتاتتى. 8 مىڭنان استام جولاۋشى تاياۋ ماڭداعى قوناق ۇيلەرگە اتتاندىرىلدى، Turkish Airlines ولارعا 35 مىڭعا تارتا ازىق-تۇلىك ورامدارىن بەردى.
قاردىڭ مول جاۋۋى قالادا بىرنەشە شاقىرىمدارعا ۇلاسقان كەپتەلىستەر تۋعىزدى. ب ا ق مالىمەتتەرى بويىنشا، تاۋلىك ىشىندە 841 جول-كولىك وقيعاسى ورىن العان.
جەرگىلىكتى بيلىك دوڭگەلەكتەرى تاعالانباعان اۆتوموبيلدەردىڭ قوزعالىسىنا تىيىم سالدى. ىستامبۇلدا، سونداي-اق كودجاەلي، چاناككالە، ساكاريا، نيگدە، نيەۆشەحير، بيتليس، كايسەري، انتاليا، كونيا پروۆينتسيالارىندا قاردىڭ كوپ تۇسۋىنەن مەكتەپتەر جابىلدى.
بەيسەنبى كۇنى قاردىڭ ءتۇسۋى سايابىرلادى. اۋەجاي جۇمىسى قالىپقا كەلە جاتىر، دەپ حابارلادى Anadolu اگەنتتىگى.