قازاقتىڭ اقىن قىزى فاريزا وڭعارسىنوۆانىڭ تۋعانىنا - 75 جىل
ول اتىراۋ وبلىسىندا تۋعان. اتىراۋ مەملەكەتتىك پەداگوگيكا ينستيتۋتىن بىتىرگەن. اۋىلدىق مەكتەپتىڭ مۇعالىمى قىزمەتىن اتقارعان. 1966-1969 - جىلدارى - «كوممۋنيستىك ەڭبەك» وبلىستىق گازەتىنىڭ ادەبي قىزمەتكەرى.
1969-1977 - جىلدارى - «لەنينشىل جاس» (قازىرگى «جاس الاش» - رەد.) گازەتىنىڭ اتىراۋ، اقتوبە، ورال وبلىستارى بويىنشا مەنشىكتى ءتىلشىسى، «قازاقستان پيونەرى» گازەتىنىڭ رەداكتورى. 1978 - جىلى - «پيونەر» جۋرنالىنىڭ باس رەداكتورى.
العاشقى كىتابى «ساندۋعاش» 1967 - جىلى جارىق كورگەن. «مەلوديا»، «بەسپوكوينايا پورا»، «گوردوە پوكولەنيە»، «كوگەرشىندەرىم»، «تريەۆوگي»، «وجيدانيە سولنسا»، «وزارەنيە» جىر جيناقتارىنىڭ، «بيىكتىك» وچەركتەر جيناقتارىنىڭ، «ءبىزدىڭ كامشات» پوۆەسىنىڭ، ءا. تاجىبايەۆ، م. ماقاتايەۆ، چيلي اقىنى پابلو نەرۋدا شىعارماشىلىقتارى تۋرالى ادەبي-سىن ماقالالاردىڭ اۆتورى.
س. ۆانگەليدىڭ «پريكليۋچەنيا گۋگۋتسە»، «دەدۋشكين مينيستر» بالالارعا ارنالعان پوۆەستەرىن، س. كاپۋتيكياننىڭ، ە. ەۆتۋشەنكونىڭ، ر. كازاكوۆانىڭ، اراب اقىنى ءابدۋراحمان ءال-حاميسيدىڭ ولەڭدەرىن، پ. نەرۋدىڭ كىتاپتارىن قازاقشا اۋدارعان.
اقىننىڭ كوپتەگەن شىعارمالارى شەت تىلدەرگە اۋدارىلعان. قازاقستان رەسپۋبليكاسى پارلامەنتى ءماجىلىسىنىڭ ءبىرىنشى جانە ەكىنشى شاقىرىلىمىنىڭ دەپۋتاتى. «قۇرمەت بەلگىسى»، «پاراسات» وردەندەرىمەن، مەدالدارمەن ماراپاتتالعان.