قوبىلاندى باتىر، قورقىت اتا سەكىلدى ۇلى تۇلعالارمەن قاتار اڭىز- ەرتەگىلەردەگى جالماۋىز كەمپىر دە ويىندا كورىنىس تاۋىپتى.
سونداي-اق جوبادا ۇلتتىق ناقىشتاعى كيىز ءۇي بەينەلەنگەن. كومپيۋتەرلىك ويىندى جاساۋ ءۇشىن ءبىلىم جانە عىلىم مينيسترلىگى مەن دۇنيەجۇزىلىك بانك قولداۋ ءبىلدىرىپ، 72 ميلليون تەڭگە ءبولىپتى.
جوبا كەلەر جىلى قولدانىسقا بەرىلمەك. ەگەر كوپشىلىكتىڭ كوڭىلىنەن شىعىپ جاتسا، وندا موبيلدىك نۇسقاسى دا شىعارىلاتىن بولادى.
«قازىرگى جاستار كىتاپحاناعا بارمايدى. ولار قاجەتتى اقپاراتتى عالامتوردىڭ كومەگىمەن ءبىلىپ وتىرادى. اسىرەسە كومپيۋتەرلىك ويىنداردى كوپ پايدالانادى. ماسەلەن باتىستا ويىن ءوندىرىسىن دامىتۋ ارقىلى ءوز ميفولوگياسىن ناسيحاتتايدى. ءبىز دە وسى ءادىستى پايدالانىپ، ءوز تاريحىمىزدى الەمگە تانىتپاقپىز. سوندىقتان الەمدىك دەڭگەيدەگى وتە كۇردەلى كومپيۋتەرلىك ويىن ءتۇرىن جاساۋدى قولعا الدىق. ونى تەگىن جانە اقىلى نەگىزدە دە ويناۋعا بولادى»، - دەيدى جوبا اۆتورى ادىلبەك بيسەنبايەۆ.
24.kz