ۆ. پۋتين ن. نازاربايەۆتى ۇلى جەڭىستىڭ 71 جىلدىعىمەن قۇتتىقتادى

استانا. قازاقپارات - ۆلاديمير پۋتين ازەربايجان، ارمەنيا، بەلارۋس، قازاقستان، قىرعىزستان، مولداۆيا، تاجىكستان، تۇركىمەنستان، وزبەكستان، ابحازيا، وڭتۇستىك وسەتيا كوشباسشىلارىن، سونداي-اق گرۋزيا مەن ۋكراينا ازاماتتارىن ۇ و س جەڭىسىنىڭ 71 جىلدىعىمەن قۇتتىقتادى.

بۇل تۋرالى ر ف پرەزيدەنتىنىڭ باسپا ءسوز قىزمەتى جانە اقپارات باسقارماسى حابارلادى.

قۇتتىقتاۋدا رەسەي پرەزيدەنتى جەڭىس كۇنى - تۋعان جەرى ءۇشىن جانىن قيىپ، الەمدى فاشيزمنەن قورعاپ قالعان ەرلىك پەن حالىقتار بىرلىگىنىڭ سيمۆولى بولعان قاسيەتتى مەرەكە ەكەنى اتاپ وتىلەدى.

ۆلاديمير پۋتين ورتاق تاريحتى بۇرمالاۋعا جانە قايعىلى وقيعانىڭ قايتالانۋىنا جول بەرۋگە بولمايتىنىن ەرەكشە اتاپ ءوتتى. ءبىزدىڭ ورتاق بورىشىمىز - ۇ و س- تا قازا تاپقانداردىڭ جارقىن بەينەسىن جادىمىزدا ماڭگى ساقتاۋ، امان ورالعان كوزى ءتىرى ارداگەرلەردى قۇرمەتتەۋ، ولارعا جان-جاقتى قامقورلىق كورسەتۋ.

رەسەي مەملەكەتىنىڭ باسشىسى سىننان وتكەن دوستىق پەن تۋىستىق قاتىناس الداعى ۋاقىتتا دا مەملەكەتارالىق قاتىناستاردى نىعايتىپ، ەۋرازيالىق كەڭىستىكتە ينتەگراتسيالىق ۇدەرىستەردىڭ دامۋىنا ىقپال ەتەتىنىنە سەنىمىن ءبىلدىردى.

پۋتين بارلىق ارداگەرلەرگە، تىل ەڭبەككەرلەرىنە العىس ايتتى، ولارعا مىقتى دەنساۋلىق، ۇزاق عۇمىر تىلەدى.