اباي وبلىسىندا جەكە كاسىبىن باستاعىسى كەلەتىن كوپبالالى وتباسىلارعا 70 گرانت بەرىلەدى
اباي وبلىسى اكىمدىگىنىڭ مالىمەتىنە سۇيەنسەك، وڭىردە كاسىپكەرلەرگە مەملەكەت تاراپىنان جان- جاقتى قولداۋ كورسەتىلىپ جاتىر. ونىڭ ىشىندە كاسىپكەرلىكتى دامىتۋدىڭ ۇلتتىق جوباسىن ىسكە اسىرۋ اياسىندا حالىقتىڭ الەۋمەتتىك وسال ساناتىنا جاتاتىنداردىڭ كاسىپكەرلىك باستامالارىن قولداۋعا 400 ا ە ك- كە دەيىنگى وتەۋسىز گرانت بەرىلەدى.
وسى جىلى 204 گرانت بەرۋ جوسپارلانسا، بۇگىندە ونىڭ 128 ءى بەرىلدى. جاڭا وتىنىمدەر 11-22 قىركۇيەك ارالىعىندا قابىلدانادى.
«جالپى بيىل كوپبالالى وتباسىلارعا - 70، مۇگەدەكتىگى بار ازاماتتارعا - 22، مۇمكىندىگى شەكتەۋلى بالا تاربيەلەپ وتىرعان وتباسىلارعا - 20، ا ا ك الۋشىلارعا - 7، اسىراۋشىسىنان ايىرىلعاندارعا - 7، ىشكى كوشى- قونمەن كەلگەندەرگە 2 گرانت بەرىلەدى. گرانت الۋعا جۇمىسسىزدار جانە كەم دەگەندە تىركەۋ مەرزىمى ءۇش جىل بولعان جەكە كاسىپكەرلەر ءوتىنىش بەرە الادى. بۇل رەتتە، ءوتىنىش بەرۋشى الەۋمەتتىك وسال توپ ساناتىنىڭ بىرىنە جاتۋى جانە ونىڭ ءۇش جىلدان اسپايتىن مەرزىمدە «باستاۋ بيزنەس» جوباسى اياسىندا كاسىپكەرلىك نەگىزدەرىنەن وقۋدان وتكەنى تۋرالى سەرتيفيكاتى بولۋى ءتيىس»، - دەلىنگەن اقپاراتتا.