قاسىم- جومارت توقايەۆ ق ح ر ءتوراعاسىن 70 جاسقا تولعان مەرەيتويىمەن قۇتتىقتادى
قاسىم- جومارت توقايەۆ قىتايدىڭ ساياسي، الەۋمەتتىك- ەكونوميكالىق، مادەني- گۋمانيتارلىق سالالارىن دامىتۋعا جانە حالىقارالىق ارەناداعى جوعارى بەدەلىن ىلگەرىلەتۋگە شي جينپيڭنىڭ قوسقان جەكە ۇلەسىن جوعارى باعالادى.
مەملەكەت باسشىسى قىتاي حالقىنىڭ يگىلىگىن قامتاماسىز ەتۋگە باعىتتالعان ق ح ر ءتوراعاسىنىڭ باستامالارى مەن اۋقىمدى رەفورمالارىنىڭ تابىستى جۇزەگە اسىرىلۋىنا تىلەكتەستىك ءبىلدىردى.
پرەزيدەنت قازاقستاننىڭ ەكى ەل اراسىنداعى جان- جاقتى ستراتەگيالىق سەرىكتەستىك پەن ىنتىماقتاستىقتى نىعايتۋعا نيەتتى ەكەنىن تاعى دا راستادى.
- ءبىزدىڭ بىرلەسكەن كۇش- جىگەرىمىز ەكى ەل اراسىنداعى ىنتىماقتاستىقتى ودان ءارى نىعايتۋعا جانە قازاقستان مەن قىتاي اراسىنداعى كوپجاقتى سەرىكتەستىكتى ساپالى جاڭا دەڭگەيگە شىعارۋعا تولىق ىقپال ەتەتىنىنە سەنىمدىمىن، - دەپ جازىلعان جەدەلحاتتا.