قازاقستاندىق بوكسشى 70 سەكۋندتىق جەكپە-جەك ءۇشىن قانشا گونورار الدى؟
10:58, 05 - ءساۋىر 2021
نۇر-سۇلتان. قازاقپارات - قازاقستاندىق ساراپشى ايدار ماحمەتوۆ تۇرسىنباي قۇلاحمەتتىڭ ۆەنەسۋەلالىق ەبەر روندونمەن وتكىزگەن جەكپە-جەگى ءۇشىن قانشا گونورار العانىن ايتتى، دەپ حابارلايدى قازاقپارات Sports.kz سايتىنا سىلتەمە جاساپ.
«بوكسشى تۇرسىنباي قۇلاحمەت كاسىبي شارشى الاڭداعى ءۇشىنشى جەكپە-جەگى ءۇشىن 210000 دوللار الدى. 70 سەكۋندقا جاقسى تابىس!»، - دەپ جازدى ماحمەتوۆ ءوزىنىڭ MakhmetovSport تەلەگرام-كانالىندا.
ەسكە سالا كەتەيىك، تۇرسىنباي قۇلاحمەت ءوزىنىڭ قارسىلاسى ەبەر روندوندى بار بولعانى 70 سەكۋندتا نوكاۋتقا جىبەرگەن.
بۇل جەڭىس 27 جاسار بوكسشىنىڭ WBC International بويىنشا ءبىرىنشى ورتا سالماقتا چەمپيون بەلدىگىن قورعاپ قالدى.