بۇگىن وقۋ جىلىنىڭ ءۇشىنشى توقسانى باستالدى.
بۇعان دەيىن جازعانىمىزداي قالاداعى جەكەلەگەن مەكتەپ عيماراتتارى 10-قاڭتاردا وتكەن ق ر پارلامەنتى ءماجىلىسى مەن ءماسليحاتتار سايلاۋىندا داۋىس بەرۋ ۋچاسكەلەرى رەتىندە پايدالانىلدى. سايلاۋ وتكەننەن كەيىن ءبىلىم عيماراتتارىندا دەزينفەكتسيالىق جۇمىستار باستالدى. سوعان وراي، 11-قاڭتاردا استانانىڭ بارلىق وقۋشىسى ونلاين فورماتتا وقىدى.
وزگە وڭىرلەردە سىندى ەلوردادا وففلاين وقۋ 12-قاڭتاردان باستالادى. ءۇشىنشى توقساندا 1-5 سىنىپ وقۋشىلارى «كەزەكشى سىنىپ» رەجيمىندە وقۋىن جالعاستىرادى. سونىمەن قاتار وسى توقساننان باستاپ ءبىتىرۋشى - 9، 11، 12-سىنىپتار «كەزەكشى سىنىپتار» قاعيداتى بويىنشا ارالاس فورماتتا (15 ادامنان ارتىق ەمەس) وقيدى.
«وففلاين ساباقتار كەستەسىنە ينۆاريانتتى كومپونەنت پاندەرى كىرەدى: قازاق ءتىلى مەن ادەبيەتى، ورىس ءتىلى مەن ادەبيەتى، شەت ءتىلى، الگەبرا، گەومەتريا، فيزيكا، حيميا، بيولوگيا، گەوگرافيا، قازاقستان تاريحى جانە دۇنيەجۇزى تاريحى. بۇل - وقۋ پاندەرىنىڭ p قۇرايدى. قالعان 0 پاندەر - ينفورماتيكا، ءوزىن-ءوزى تانۋ، دەنە شىنىقتىرۋ، قۇقىق نەگىزدەرى، العاشقى اسكەري جانە تەحنولوگيالىق دايىندىق قاشىقتان وتەدى. مەكتەپتەر يكەمدى كەستەلەر ازىرلەيدى، ساباقتار اراسىنداعى وزگەرىستەر ءارتۇرلى سىنىپتار ءۇشىن ءتۇرلى ۋاقىتتا وتەدى، الەۋمەتتىك قاشىقتىق ءۇشىن اۋىسىمدار مەن كىشى اۋىسىمدار كوبەيەدى. ءبىر ساباقتىڭ ۋاقىتى 5 مينۋتتىق ۇزىلىسپەن 30 مينۋتتان اسپايدى. ءۇشىنشى توقساندا 70 مىڭعا جۋىق وقۋشى مەكتەپكە بارادى»، - دەپ ناقتىلادى ەلوردا اكىمدىگىنەن.