27 - جەلتوقسان كۇنى ساعات 05-39-دا اباي اۋدانىنىڭ بورودينوۆكا اۋىلىنداعى ءورت تۋرالى حابارلاما كەلىپ ءتۇستى. شاقىرۋ ورنىنا ەڭ جاقىن ءورت ءسوندىرۋ ءبولىمى جىبەرىلدى. ءورت سوندىرۋشىلەرگە 65 شاقىرىم جول جۇرۋگە تۋرا كەلدى.
«شارۋاشىلىق قۇرىلىسىنداعى جەكە تۇرعىن ءۇي اۋماعىندا 140 شارشى مەتر الاڭدا ءورت بولدى. ءتىلسىز جاۋ ساعات 10:26-دا اۋىزدىقتالدى. ءورت سالدارىنان 47 باس ءىرى قارا مەن 20 باس ۇساق مال قىرىلدى. ءورتتىڭ شىعۋ سەبەبى انىقتالۋدا»، - دەپ حابارلادى قاراعاندى وبلىسى ت ج د باسپا ءسوز قىزمەتى.