اۋلالاردى ارالاۋ ارقىلى تۇرعىندارمەن ءتۇسىندىرۋ اڭگىمەلەرى جۇرگىزىلىپ، جادىنامالار تاراتىلادى، دەپ حابارلايدى قازاقپارات ءتىلشىسى.
قاراعاندى وبلىسىنىڭ ت ج د قىزمەتكەرلەرى جەرگىلىكتى اتقارۋشى ورگاندارمەن جانە ەرىكتىلەرمەن بىرلەسىپ كوپبالالى وتباسىلاردىڭ، مۇگەدەكتەردىڭ، جالعىز تۇراتىن زەينەتكەرلەردىڭ ۇيلەرىندە ءتۇتىن داتچيكتەرى مەن ۋلى گاز داتچيكتەرىن ورناتۋدى جالعاستىرۋدا. ءورت قاۋىپسىزدىگى ايلىعى باستالعالى، ياعني 15-تامىزدان بەرى 28 داتچيك ورناتىلدى، تاعى 50 ۇيگە وسىنداي قۇرىلعى ورناتۋ جوسپارلانۋدا.
«اۋلالاردى ارالاۋ بارىسىندا 17000-نان استام ادامعا نۇسقاۋ بەرىلىپ، تۇرعىندارمەن 113 تەن استام جيىن وتكىزىلدى. ءتۇسىندىرۋ ءىس-شارالارى وبلىستىڭ بارلىق وڭىرلەرىندە قامتىلدى»، - دەپ مالىمدەدى قاراعاندى وبلىسى ت ج د باسپا ءسوز قىزمەتى.
قاراعاندى وبلىسىنىڭ ت ج د وكىلدەرى سونىمەن قاتار ءورت قاۋىپسىزدىگى شارالارىن ساقتاۋدى ەسكە سالىپ، پايدالانۋ الدىندا جىلىتۋ جۇيەسىن تەكسەرۋ، تۇتىندىكتەردى تازارتۋ، بارلىق پەش جابدىقتارىنىڭ تۇتاستىعىن تەكسەرۋ، جارىقتاردى جويۋ قاجەتتىگىن ەسكەرتتى. سونداي-اق تەك جارامدى ەلەكتر قىزدىرعىش اسپاپتاردى پايدالانۋ، جەلىنى شامادان تىس جۇكتەمەۋ كەرەكتىگىن تىلگە تيەك ەتتى.