ءۇندىستاندا سوڭعى تاۋلىكتە 70 مىڭعا جۋىق ادام كوروناۆيرۋس ينفەكسياسىن جۇقتىرعان
نەبارى 16 كۇن بۇرىن ەلدە كوروناۆيرۋس جۇقتىرۋ وقيعالارىنىڭ سانى 20 ميلليون ادامعا دەيىن ءوستى. بۇل تۋرالى قازاقپارات India Today اگەنتتىگىنە سىلتەمە جاساپ حابارلايدى. جاڭارتىلعان مالىمەتتەر بويىنشا، جەكسەنبى كۇنى ەلدە اۋرۋ جۇقتىرۋدىڭ 69239 جاڭا وقيعاسى تىركەلگەن، اۋىر دەرتتەن ساۋىعىپ شىققاندار سانى 2 ميلليون ادامنان استى.
سوڭعى تاۋلىكتە ءۇندىستاندا ۆيرۋستان 912 ادام قايتىس بولىپ، ەلدە جالپى قايتىس بولعاندار سانى 56706 ادامعا جەتتى. سەنبى كۇنى ءۇندىستاندا 801147 ادامنان سىناما الىندى. سونىڭ ىشىندە 69239 ادامنان الىنعان تەست وڭ بولىپ شىققان. قازىرگى كەزدە ەلدە 3529222 سىناما جۇرگىزىلگەن. جۇما كۇنى ءۇندىستاندا 1 ميلليوننان استام سىناما الىنىپ، تەستىلەندى. ءۇندىستان ا ق ش پەن برازيليادان كەيىن كوروناۆيرۋستان ەڭ كوپ زارداپ شەككەن ەلدەردىڭ قاتارىندا. ەلدىڭ دەنساۋلىق ساقتاۋ مينيسترلىگى اۋىر دەرتتەن قايتىس بولۋدىڭ 70 تەن استام پايىزى ىلەسپە اۋرۋلاردان بولعانىن اتاپ ءوتتى.
اۆتور: زارينا تۋعانبايەۆا